KWILUKILAKO
CILONGESA 8
Mbunge ya Kubandamena
Cinangulo: “Cizemo cili na mbunge ya kubandamena.”—1 Kori 13:4.
Bika Byalingile Yesu?
1. Kengeni VIDIO, nambe kutanda Iwano 7:3-5 na 1 Korinte 15:3, 4, 7. Kutundaho, singanyekeseseni ha bihula binatako:
Bika Bitulilongesa Kuli Yesu?
2. Tunapande kukala na mbunge ya kubandamena mwafwa bamo bakeshwala kutambula muzimbu waubwa kutubakana bakwabo.
Tembwinineni Yesu
3. Esekeniko bingila byeka. Nga munu katambula oho bene cilongesa ca Mbimbiliya, keti mumusindiye. Nga citaba, mwasa kupangesa mavidio na biñanda bimo mangana mumukwase kuzibuka bikalingiwa ha cilongesa ca Mbimbiliya na bukwasi bwawanamo.
4. Keti mwesekese munu kuli mukwabo. Yetu banu twaliseza-seza. Nga munu wa mu naanga yeni nambe imunendela mangenzi a kwilukila acikwata-kwata ku masinde, tondeseseni bili na kumulingisa ngoco. Kuma kuli bilongesa bimo bya mu bulombelo byazema manene ndi? Indi hamo babushoko bwendi nambe batunga nabo bali na kumulwisa? Mwaneniko simbu ya kusinganyekesesa ha byuma bimunamuleke na kumona seho ya byuma biyendeka Mbimbiliya.
5. Mukundikeni mu malombelo. Lombeni Yehova amikwase mangana keti muzeye, co lalo muzibuke mwakusimutwiiya nendi mwamubwa. Mulombeni amikwase muzibuke simbu imunapande kwecela kulilongesa na munu uje kesi na ntwima ya kulilongesa.—1 Kori 9:26.
