1 Korinte 13:1-13
-
Cizemo—cuma cakama ku byoshe (1-13)
13 Nga njendeka mu bindaka bya banu nebi bya tungelo, oloni kunjesi na cizemo, njinapu ngwe kwohya kwa ngunga nambe kalwa ka ngenjo.
2 Co nga njili na bwana bwa kupolofweta, na bwa kuzibisisa mahungu oshe a kushwekesa na mangana oshe, co lalo nga njili na likulahelo lya kukanyama lije lyasa kujalwisa* minkinda, oloni kunjesi na cizemo, co njicilinge cangoco.*
3 Nga njana byuma byange byoshe mu kulisa bakwetu, co lalo nga njana mubila wange woshe mangana njilishashe, oloni kunjesi na cizemo, nabumo bukwasi bunjiwana bene bwahi.
4 Cizemo cili na mbunge ya kubandamena, na ngozi. Cizemo kucesi na cipululu. Kucesi kulishasha, kucesi kulifwimba,
5 kucesi kulinga byuma bya shwamwa,* kucesi kulitondela byaco lika, kucesi kulubala. Kucakele na nkulundundu.*
6 Kucesi kujolela ha bilinga bya kuhenga, oloni cikajolela na busunga.
7 Cikafwiki byuma byoshe, cikataba byuma byoshe, cikalabelela byuma byoshe, cikakolesa mu byuma byoshe.
8 Cizemo kucesi kwonwa. Oloni nga kuli bwana bwa kupolofweta, bukahwa. Nga kuli bindaka,* bikahwa. Nga kuli mangana, akahwa.
9 Mwafwa tuli na mangana a kujeneka kushula, co tuli na kupolofweta mu kujeneka kushula,
10 oloni byakushula mubikaija, byakujeneka kushula bikahwa.
11 Munjapwile nji mwanike, njakele na kwendeka ngwe mwanike, njakele na kusinganyeka ngwe mwanike, njakele na kumona byuma ngwe mwanike. Oloni munjinakolo, njinombila kuti bifwa byoshe bya bwanike.
12 Hano tuli na kumona byuma mu kububunya ngwe tuli na kutala mu ciponi ca cikubo, oloni kulutwe tukamona bwino ngwe tuli na kumona na mesho etu kapu. Hano njinazibuka lika kamandondo, oloni kulutwe njikazibuka mwamubwa* ngwe mubanjizibukila mwamubwa.
13 Nameme ngoco, ebi byuma bitatu bisala: likulahelo, lilabelelo, na cizemo. Oloni cizemo cikeco cakama manene kutubaka ebi byoshe.
Majwi a kwinikila
^ Nambe “kushimbula.”
^ Nambe “kunjesi na seho.”
^ Nambe “kucesi na likamba.”
^ Nambe “Kucesi kutulika byuma byabibi.”
^ Kulumbununa, kwendeka mu kukomokesa mu bindaka byeka.
^ Nambe “bwino.”
