Bisamu 114:1-8
114 Isalele mwatundile mu Ijipiti,Bakunjibo ya Jakobu mubatundile ku banu baje bakele na kwendeka ndaka yeka,
2 Juda wapwile mwela wendi wa kujela,Isalele wapwile bumwene bwendi.
3 Kalunga-ndonga mwabimwene watewele.Jodani yelukile munima.
4 Minkinda yajombozokele ngwe bimanga ba bizamba.Malundu ajombozokele ngwe bana ba bimanga.
5 Obe kalunga-ndonga, bika binakutewesa?
Obe Jodani, bika binakwilwisa munima?
6 Eni minkinda, bika bimunajombozokela ngwe bimanga ba bizamba?Eni malundu, bika bimunajombozokela ngwe bana ba bimanga?
7 Obe lifuti-libu, jaja mwafwa ya Mwata,Mwafwa ya Njambi ya Jakobu,
8 Uje akatengulula limanya kupwa cihongo ca mema,Limanya lya kukola kupwa tubwelubwelu twa mema.