Bisamu 146:1-10
146 Shangazaleni Jah!*
Mubila* wange woshe ushangazale Yehova.
2 Njishangazala Yehova mu kuyoya kwange kwoshe.
Njimbila Njambi yange myaso ya kumushangazala simbu njiciyoya.
3 Keti mukulahele bimyata*Nambe kukulahela muna munu uje kasa kunena kwoboka.
4 Nzili yendi ya kuyoya* itunda kuli ikeye, eluka ku likunguHa litangwa lije bene bisinganyeka byendi binyonga.
5 Nabwahelela munu uje Njambi ya Jakobu napu mukwasi wendi,Uje naka lilabelelo lyendi kuli Yehova Njambi yendi,
6 Uje watangele lilu na lifuti-libu,Kalunga-ndonga na byoshe bilimo,Uje wapwa wa kulongwa simbu yoshe,
7 Uje akakwila mu kusungama baje babanapukula,Uje akana byakulya baje banatsi njala.
Yehova apatula mapanditi.*
8 Yehova atonesa mesho a tupuputwa.Yehova andula baje banakulama.Yehova wazema banu ba kusungama.
9 Yehova ali na kunyungilila banu ba kutunda ku mafuti eka.Akwasa mwana uje kesi na ishe na fwile,Oloni atanganesa matumbe a banu bababi.*
10 Yehova apwa Mwene myaka yoshe,Njambi yobe, Obe Siyone, apwa Mwene ku bisemwa byoshe.
Shangazaleni Jah!*
Majwi a kwinikila
^ Nambe “Haleluya!” “Jah” inapu kubatwila lizina lya Yehova.
^ Nambe “Mwonyo.”
^ Nambe “banu ba bulemu.”
^ Nambe “Muku wendi.”
^ Lijwi na lijwi “baje babanakutu.”
^ Nambe “apengapengesa ngila ya banu bababi.”
^ Nambe “Haleluya!” “Jah” inapu kubatwila lizina lya Yehova.