Bisamu 24:1-10
-
Mwene wa bumpau akobela mu bikolo
-
‘Lifuti-libu lyapwa lya Yehova’ (1)
-
Mwaso wa Devidi.
24 Lifuti-libu na byoshe byakalaho byapwa bya Yehova,Lifuti na baje batungaho.
2 Mwafwa nalizameka mu kukanyama ha tulunga-ndongaNa kulishimbika ha bindonga.
3 Iya asa kukanduka ha munkinda wa Yehova,Co iya asa kwimana ha mwela wendi wa kujela?
4 Woshe uje ali na maboko a kujeneka mulonga na mbunge ya kujela,Uje kalisingile mu kulikwisa ha lizina lyange,*Nambe kulinga cikumiiyo ca makuli.
5 Atambula bibezikiso kutunda kuli YehovaNa kusungama* kuli Njambi wa kwobola.
6 Eci cikeco cisemwa ca baje bamutonda,Baje batonda cihanga cobe, obe Njambi ya Jakobu. (Sela)
7 Anduleni mitwe yeni, eni bikolo,Shokolokeni,* eni bikolo bya kusañulu,Mangana Mwene wa bumpau akobele!
8 Iya bene owo Mwene wa bumpau?
Yehova uje wapwa wa kukanyama na nzili,Yehova uje wakala na nzili mu nzita.
9 Anduleni mitwe yeni, eni bikolo,Shokolokeni, eni bikolo bya kusañulu,Mangana Mwene wa bumpau akobele!
10 Iya bene owo Mwene wa bumpau?
Yehova wa maswalale ikeye Mwene wa bumpau. (Sela)
Majwi a kwinikila
^ Nambe “ha kuyoya kwange,” kulumbununa kuyoya kwa Yehova kwalisinga nakwo munu.
^ Nambe “kwakula mwamubwa.”
^ Nambe “Katukeni.”
