Bisamu 58:1-11
-
Kwakala Njambi uje akasompo lifuti-libu
-
Lilombelo lya kulomba kwana banu bababi kashitiko (6-8)
-
Kuli muka-kutwamenena. Cilumo ca mwaso cibasana ngwabo: “Keti Unyongese.” Mikitamu.* Mwaso wa Devidi.
58 Kuma mwasa kwendeka bya kusungama nga munoloka ndi?
Kuma mwasa kwakula mu kusungama yeni bana ba banu ndi?
2 Oloni yeni muli na kuyongola byuma bya kujeneka kusungama mu bimbunge byeni,Co maboko eni ali na kunena lwozi mu lifuti.
3 Banu bababi bapwa ba kungumuka* kutunda ha kusemuka.*Ba kuka, baka-makuli kutunda bene ha kusemuka kwabo.
4 Bushungu bwabo bunapu ngwe bushungu bwa manyoka.Banapu tusindamatwi ngwe lishuko mwakaziki matwi endi.
5 Kakatolilila ku lijwi lya baka-kushasheya manyoka,Nameme bakale na butongwe bwa kwelema.
6 Obe Njambi, tsekula mayo a mu tunwa twabo.
Pokola bimbange byaba bindumba,* Obe Yehova.
7 Bahwe ngwe mema aje oma cau.
Anane buta bwendi bwa lusipa na kubawisa na mikili yendi.
8 Bafwe ngwe liñofwi uje asangunuka oku ali na kwenda.Keti bamone litangwa ngwe mbututu uje natsila mwimo lya ina.
9 Simbu kanda bikuni bya mingonga bishalwise bindeho byeni,Njambi apangesa lihunzi lyakama mu kupekumuna minango ya kutonola na ije inakwata tuhya.
10 Munu wa kusungama abwahelela mwamona banu bababi babalinga shambandinga.Mendi endi ajabama mu maninga a banu bababi.
11 Co banu boshe bakendeka ngwabo: “Cili bene munu wa kusungama awana cikandelela.
Cili bene kwakala Njambi uje akasompo banu ba ha lifuti-libu.”
Majwi a kwinikila
^ Taleni Majwi Abanalumbununa.
^ Nambe “ba kulumbuka.”
^ Lijwi na lijwi “mwimo lya bainabo.”
^ Nambe “bana ba bindumba ba kukola.”
