Bisamu 8:1-9
Kuli Muka-kutwamenena; ha Gitithi.* Mwaso wa Devidi.
8 Obe Yehova Mwata wetu, lizina lyobe lyapwa lyakama manene hasi hoshe.
Unaka bulemu bwobe hakamwa ya melu!*
2 Unalingisa tunwa twa banike notu twa bimbututu tumwese nzili yobeMwafwa ya bitozi bobe,Mangana wonowese bilinga bya citozi na muka-kulinga shambandinga.
3 Munjikamono melu obe, bipangi bya minye yobe,Ngonde na bingongonosi biunatanga,
4 Njikalihula ngwange, “Munu wapwa iyajo mangana umwanuke,Co muna munu wapwa iyajo mangana umunyunge?”
5 Wamupwisile wa mwisi kamandondo ku tungelo,*Co wamuzikile cilongo ca bumpau na bulemu.
6 Wamwanene nzili ya kutwamenena bipangi bya maboko obe.
Unaka byuma byoshe mwisi ya mendi endi:
7 Bimanga na bimembe na bingombe boshe,Hamolika na tusitu ba mu shwata,*
8 Tuzila ba mwilu na bisi ba mu kalunga-ndonga,Na byoshe bije biketi mu bingila bya mu tulunga-ndonga.
9 Obe Yehova Mwata wetu, lizina lyobe lyapwa lyakama manene hasi hoshe!
Majwi a kwinikila
^ Taleni Majwi Abanalumbununa.
^ Nambe hamo “Bulemu bwobe bakabwendeka hakamwa ya melu.”
^ Nambe “bakulifwa na Njambi.”
^ Lijwi na lijwi “bikashama ba mu shwata.”
