Ekelesiya 1:1-18
1 Awa akewo majwi a muka-kukungulula banu, muna Devidi, mwene wa mu Jelusalema.
2 Muka-kukungulula banu nendeka ngwendi: “Binapu byangoco lika,”“Binapu byangoco lika! Byuma byoshe byangoco!”
3 Bika byawana munu mu bipangi byendi byoshe byapanga na nzili,Bije byondangana hano hasi?
4 Cisemwa cita, co cisemwa ceka cija,Oloni lifuti-libu likalako myaka yoshe.
5 Litangwa lituhuka, co litangwa lilahuka.Kutundaho lizambwila lalo kuje kulikatuhukila.
6 Lihunzi liya ku mbwela, co lilizenga na kuya ku kunto.Litwalelelaho kulizenga na kulizenga, co litwalelelaho kuzenguluka.
7 Bindonga byoshe biya mu kalunga-ndonga, oloni kalunga-ndonga kashulu.
Co mema akeluka kuje kubishangumukila bindonga na kuputuka kwita lalo.
8 Byuma byoshe bijukisa,Naumo wahi asa kulumbununa byuma byoshe.
Lisho kulyesi kukuta na byuma bilikamono,Co litwi kulyesi kushula na byuma bilikazibi.
9 Bije byakeleko bikebyo bikalako lalo,Co bije bibanalingi laja bikebyo bibalinga lalo.Nacimo caciha hano hasi cahi.
10 Kuma kuli cuma cakenika munu ngwendi, “Taleni eci caciha” ndi?
Kucakele na laja,Kucakele simbu kanda tukaleko.
11 Naumo wahi akanuka banu ba kusañulu,Co naumo wahi akanuka baje baija munima,Co lalo nabo kubakabanuka kuli baje baija munima yabo.
12 Yange muka-kukungulula banu, njinapu nji mwene ya Isalele mu Jelusalema.
13 Njakele mbunge yange ku kulilongesa na kutondesesa na mana byuma byoshe binalingiwa ha lifuti-libu, kulumbununa bipangi bya kujukisa bije byanana Njambi ku bana ba banu, bije bikabazezamesa.
14 Njamwene bipangi byoshe bibapangele hano hasi,Co byoshe byapwile byangoco, byapwile lika ngwe kusheka lihunzi.
15 Cuma ca kupengapenga kubasa kucolola,Co cuma cije cahiko kubasa kucitanda.
16 Co njalyendekesele mu mbunge yange ngwange: “Njinalikungulwila mana amangi kutubakana boshe baje bakeleko kunima yange mu Jelusalema, co mbunge yange yawanene mana na mangana amangi manene.”
17 Njakele mbunge yange ku kuzibuka mana na ku kuzibuka kuzaluka na ku kuzibuka bulema, co ebi nabyo binapu lika ngwe kusheka lihunzi.
18 Mwafwa mana amangi akafutula manene,Ngeci, woshe alibweza mangana alibweza kubabala.
