Maki 16:1-8
-
Yesu nasanguka (1-8)
16 Muyahwile Sabata, Maliya Magadalena, Maliya ina ya Jemusi, na Salome balandele byuma bya lwengo lwalubwa* mangana bakawakwite ha mubila wa Yesu.
2 Co cimene-mene, ha litangwa lyakulibanga mu calumingo, bezile ku mbumbo litangwa te linatuhuka laja.
3 Bakele na kulihula ngwabo: “Iya akatutundisila lije libwe ku cikolo ca mbumbo?”
4 Oloni mubandwile mesho bamwene lije limanya banalitundisako nameme lyapwile lyakama manene.
5 Mubakobelele mu mbumbo, bamwene mukwenje umo natumama ku cilyo, nazala mukanjo wa kutoka, co bazibile manene lyoba.
6 Wabalekele ngwendi: “Keti muzibe lyoba. Njizibuka ngwange muli na kutonda Yesu muka-Nazaleta uje ibanatsiilile ha citi. Wahimo muno, banamusangula. Taleni! Omu mukemwo mu mwela mubanamwakele.
7 Yeni mukaleke bandongesi bendi na Pita ngweni, ‘Nalibanga kuya ku Galileya, kukekwo kumukamumwena ngwe muje mwamilekele.’”
8 Ngeci batuhukilemo, batundile kuje ku mbumbo lumbisi, co bajajele na kukomoka manene. Kubalekeleko munu nambe umo, mwafwa bazibile manene lyoba.*
Majwi a kwinikila
^ Nambe “masipaisi.”
^ Kwesekesa na mabulu a kuzenga a kusañulu aje endeka biñanda bya busunga, Mukanda wa Biñanda Byabibwa wa Maki unahwila ha majwi ali mu vesi 8.
