Mwaso wa Solomoni 1:1-17
-
Mwaso uje unatubakana myaso yoshe (1)
-
Mumbanda (2-7)
-
Banakazi ba mu Jelusalema (8)
-
Mwene (9-11)
-
“Tukupangela byuma bya kulicakeya bya goldi” (11)
-
-
Mumbanda (12-14)
-
‘Injazema napu ngwe kangonga ka mira ya lwengo lwalubwa’ (13)
-
-
Kanyungi (15)
-
“Obe injazema, uwamubwa”
-
-
Mumbanda (16, 17)
-
“Obe injazema, uwamubwa” (16)
-
1 Ou ukewo mwaso wa Solomoni uje unatubakana myaso yoshe:
2 “Njitsembe na kanwa kobeMwafwa cizemo cobe cacibwa kutubakana binyu.
3 Lwengo lwa mazi obe lwalubwa.
Lizina lyobe linapu ngwe lwengo lwa mazi abanetila.
Mukemwo bambanda bakuzema.
4 Ya nange, tuye tutewe.
Mwene nanjinene mu milili yendi ya mukati.
Tuye tubwahelele na kulisamba hamo.
Tuye tushangazale* cizemo cobe kutubakana binyu.
Mukemwo bakuzema.
5 Eni banakazi ba mu Jelusalema, nji wa kuzibala, oloni nji wamubwa,Njinapu ngwe bitenti bya Keda, ngwe bitenti bya Solomoni.
6 Keti munjitale mwafwa njinazibala,Mwafwa litanya linanjenyeka.
Bandolome bange banjilubalelele.Banjangwile ngwabo njinyunge mahya a binyu,Oloni kunjanyungile lihya lyange lya binyu.
7 Njileke yobe injazema manene,Kuli kuukalisila bimuna bobe,Kuli kuukababutamesela mutanya?
Bika binjendanganena mukati ka bimuna ba babusamba bobeNgwe munakazi uje nalifwiki nanga* ku mesho endi?”
8 “Obe munakazi wamubwa kutubakana banakazi boshe,Nga kuuzibuka kwali, kaba myanja ya bimunaCo ya ukalisile bana ba bimembe bobe kuyehi na bitenti bya tunyungi.”
9 “Obe injazema, unapu ngwe kabalu wa lwabo uje ali ku matemba a Falo.
10 Byuma biunalicakeya ku mesho* binalingisa binana byobe bisholoke mwamubwa.Busanga bwobe bunalingisa singo yobe isholoke mwamubwa.
11 Tukupangela byuma bya kulicakeya bya goldiBije bili na siuva.”
12 “Ha simbu yanatumama mwene ku mesa,Mazi ange atuhula lwengo lwalubwa.
13 Injazema napu lika ngwe kangonga ka mira ya lwengo lwalubwaKaje kali mukati ka mabele ange butsiki bwoshe.
14 Injazema napu ngwe bintemo bya henaBije bili hamolika mukati ka mahya a binyu a Eni-gedi.”
15 Obe injazema, uwamubwa.
Uwamubwa. Mesho obe anapu ngwe mesho a liyembe.”
16 “Obe injazema, uwamubwa, yobe ukanjizibisa kubwaha.
Mwela wetu unapu wa maputa.
17 Mikambo ya njibo yetu inapu ya miti ya sida.Mashoko a ciluli cetu anapu a miti ya junipa.
Majwi a kwinikila
^ Nambe “twanuke.”
^ Nambe “nanga ya busiwa.”
^ Nambe hamo “Byuma bili ku binkambu byobe bya kubinda.”
