Yombi 12:1-25
12 Yombi wamukumbulwile ngwendi:
2 “Cili bene yeni muli na mangana,*Co mumukatsa, kukukakala munu wa mana.
3 Oloni nange nji muka-kuzibisisa.*
Kumwanjitubakanene,
Iya kazibuka ebi byuma?
4 Babusamba bange bali na kunjijola,Mwafwa njili na kutambeka kuli Njambi mangana anjikumbulule.
Munu wa kusungama, wa kujeneka hakumupayela bali na kumujola.
5 Munu uje kesi mu bukalu ashendumuna bukalu,Asinganyeka ngwendi bukaija lika kuli baje bali na kutalyangela.*
6 Mapwepwe* bali mu kwoloka mu bitenti byabo,Co baje bali na kulubalesa Njambi banabanyungilila,Baje bali na binjambi babo mu maboko.
7 Oloni shukulu-kambu, ihula tusitu, co bakulongesa,Na tuzila ba mwilu, co bakuleka.
8 Nambe singanyekesesa mulyafwa lifuti-libu,* co likulongesa,Na bisi ba mu kalunga-ndonga, co bakuleka.
9 Cuma muka kuli ebi byosheCije kucizibuka ngwaco liboko lya Yehova likelyo linalingi ebi?
10 Mwonyo* wa cuma coshe ca kuyoya uli mu liboko lyendi,Na muku wa munu woshe.
11 Kuma litwi kulyesi kumakela majwiNgwe ndaka* muikamakela byakulya ndi?
12 Kuma banu ba kukola keti bakebo bakala na mana ndi?Co kuzibisisa kuma kukwesi kwija mwafwa ya kuyoya simbu yailaha ndi?
13 Ikeye wakala na mana na nzili,Ali na butumbe na kuzibisisa.
14 Nga asiula cuma, wahi asa kucitunga lalo.Cuma canashoko, wahi asa kucishokolola.
15 Nga ashoka mema, byuma byoshe byuma cau,Nga awashokolola, lifuti-libu lijalela.
16 Ikeye wakala na nzili na mana.Uje ongumuka, na uje ongumuna, boshe banapu bendi.
17 Alingisa baka-kunangula bende mendi-mendi*Na kulingisa maako bapwe bilema.
18 Azitula banu malyenge abanabakutu bimyeneNa kukuta miba mu bimbunda bya bimyene.
19 Alingisa tupilistu bende mendi-mendiNa kutundisa baje banazama na nzili ha bitwamo.
20 Alingisa bangaji bajeneke byakwendekaNa kunyeka banu ba kukola* mana.
21 Alingisa banu ba bulemu bashaukeNa kulingisa banu ba nzili bazeye.*
22 Ajombolola byuma bya kuloba bya mu lisusulunguNa kutwila ceke ha lisusulungu lyakama.
23 Alingisa baka-mafuti bakale na nzili mangana abanyongese,Amesa baka-mafuti mangana abatwale mu bundungo.
24 Anyeka bantwama ba banu kuzibisisa*Na kubalingisa bayebangele mu mambo mwa kujeneka ngila.
25 Bapapateya mu lisusulungu mwa kujeneka ceke,Abalingisa bayebangele ngwe banu banapende.
Majwi a kwinikila
^ Lijwi na lijwi “yenini yeni banu.”
^ Lijwi na lijwi “njili na mbunge.”
^ Nambe “kusenutuka.”
^ Nambe “Bezi.”
^ Nambe hamo “Simutwiya na lifuti-libu.”
^ Nambe “Kuyoya.”
^ Nambe “ndakwilo.”
^ Nambe “babanyeke byuma byabo byoshe.”
^ Nambe “bakulunu.”
^ Lijwi na lijwi “Na kushengenyesa miba ya banu ba nzili.”
^ Lijwi na lijwi “bimbunge.”
