Kushangumuka uno mwaka, tukalakala na simbu yaingi ya kulibwahesela cilika ca kwanuka kutsa kwa Kilisitu. Nga canukiso cikalako mukati ka calumingo, co Ciwano ca Buyoye na Cipangi Cetu kucikalako. Nga canukiso cikalako kumamaneselelo a calumingo co ñanda ya mbunga na Cilongesa ca Kaposhi Kakukengela kubikalako. Mupangesa bati eyi simbu imunapandele kukala na biwano? Tunapande kulibwahesela eci cilika ca kulitila ngwe mubakele na kulingila kusañulu. (Luk 22:7-13 km 3/15 1) Tubaboshe tunapande kulibwahesela mangana tukalikuwe cilika, oloni twasa kulibwahesela bati?

• Singanyekeseseni ha seho ya kuya ku Canukiso.—1 Ko 11:23-26

• Singanyekeseni ha bingila bimwasa kukanyameselamo busamba bweni na Yehova co mulombeni amikwase.—1 Ko 11:27-29; 2 Ko13:5

• Tandeni na kusinganyekesesa ha mikanda ije yendeka bya Canukiso.—Yow 3:16; 15:13

Bamo bakatanda mikanda yaha Canukiso ije ikakala mu libulu lya Ku Tatuba Mañolo ka Zazi ni Zazi. Bakwabo bakatanda mikanda ili ha cipalo cili mwisi. Beka bakatanda biñanda bije bili mu mangazini ya Kaposhi ka Kukengela bije byendeka ha Canukiso na ha cizemo canatumwesa Yehova na Yesu. Bingila byoshe byoshe bimupangesa, binapande kumikwasa mushwenye muyehi na Yehova na Munendi.