Chanukitho chitwanukitha vivethzikitho vyavingi vya kulutwe vije vikaija omwo ya ndando ya kupatula. Chimo cha vivethzikitho chinapu kuthanguka. Yehova kayongwele ngwendi vanu vathse. Echi chikecho chikanenetha ngwavo vanu vapokoke manene vimbunge nga vanathsitha munu ivathzema. (1Ko 15:26) Yesu wapokokele mbunge omwo wamwene vandongethi vendi valila ha kuthsa kwa Lazalu. (Yow 11:33-35) Ngechi lika mwa Yesu, na Yehova nendi akapokoka mbunge omwo atumona tulila vanu vaje vatwathzema. (Yow 14:7) Yehova ali na kushungwiya kuthangula vangamba vendi ku vathsi, netu twavandamena kukavatambula.—Yom 14:14, 15.

Tunapande kukulahela ngwetu kuthanguka chikalingiwa ngwe mwanayongwela Yehova Njambi, mwafwa akalingi vyuma muje muvinapande. (1Ko 14:33, 40) Kukukakala lalo myala, oloni kukakala kujolela cha kutambula vaje vanathanguka. Vati, mukathinganyeka vya kuthanguka nga muli mu vuthiwa ndi? (2Ko 4:17, 18) Vati, mukakandelela kuli Yehova ha kumyana ndando ya kupatula na kumithzitwila mu Vithoneka ngwendi vathsi vakayoya lalo ndi?—Kol 3:15.

• Vavuthamba veni muka nambe vavushoko vweni vamushungwiya kukamona muvakathanguka?

• Vanu muka va mu Mbimbiliya vamushaka kukamona na kwendeka navo?