Mbuloshuwa ya Tolilileni kuli Njambi vanaivwahethela kulongetha vuthunga vwa mu Mbimbiliya mu ngila yayathi, maneneni kuli vaje vakawana vukalu kuthzivithitha viñanda vyavingi. Chilongetha na chilongetha chili ha maputa avali haje hali vyakumwenako vimikwatha omwo muthimutwiya.

Mbuloshuwa ya Tolilileni Kuli Njambi Mangana Mukayoye Myaka Yoshe inalifu neyi ya Tolilileni kuli Njambi, oloni mbuloshuwa ya Tolilileni Kuli Njambi Mangana Mukayoye Myaka Yoshe muli viñanda vyavingi ngechi twatha kuipangetha mu kulilongetha na vaje vathzivuka kutanda. Vaka-kwambulula vashaka kupangetha eyi mbuloshuwa nga munu ivalilongeha nendi ikeye apangetha ya Tolilileni Kuli Njambi. Ha maputa amo hali viñanda mutuvipalo, vije vimwatha kuvwethzelela kuli vije mulilongetha, kwetheketha na chashu cha ndongethi yeni.

Mwatha kwana awa ma mbuloshuwa ha thimbu yoshe yoshe, nameme kethi akewo atwana mu ngonde oyo. Nga muli na kwendetha chilongetha cha Mbimbiliya pangetheni vyakumwenako mangana mulumbunune mwamuvwa viñanda vya mu Mbimbiliya. Ihuleni ndongethi yeni vihula vije vimukwatha kuthzivithitha. Tandeni na kuthimutwiya ha vithoneka vili kumamanethelelo a liputa na liputa. Muchimanetha lika mbuloshuwa, shangumukeni kulilongetha nendi livulu lya Vika Viyitulongetha Mbimbiliya? mangana mumukwathe kulivwahethela vya chimbwitiko.