April 29–May 5
BISAMU 34-35
Mwaso 10 na Lilombelo | Majwi a Kuzimbula (Munu 1)
1. “Shangazaleni Yehova Simbu Yoshe”
(Minu 10)
Devidi washangazalele Yehova nameme wakele na kuliwana na bukalu (Bis 34:1; w07 3/1 22 ¶11)
Devidi walyalesele mwafwa ya Yehova keti mwafwa ya byuma byalingile (Bis 34:2-4; w07 3/1 22 ¶13)
Majwi a kushangazala Yehova endekele Devidi akanyamesele bakwabo (Bis 34:5; w07 3/1 23 ¶15)
Munima ya kuseza Ambimeleki, Devidi waliwanene na banalume 400 baje balikwatasenene nendi, aba banalume kubalikwatasanene na ciyulo ca Mwene Saulu. (1 Samuele 22:1, 2) Hamo Devidi wanukile aba banalume mwasonekele ou mwaso.—Bis 34, taleni majwi a helu ya capita.
LIHULENI NGWENI, ‘Njasa kushangazala bati Yehova nga njakusimutwiya na munu umo ku biwano bya cikungulukilo byatako?’
2. Kutondesesa Bisimpi bya Seho
(Minu 10)
-
Bis 35:19—Devidi walumbunwine bika mwalombele Yehova ngwendi keti atabese baje banamuzindi balinyateye na mesho? (w06 5/15 20 ¶2)
-
Bisimpi muka bimunawana mu kutanda Mbimbiliya cino calumingo?
3. Kutanda Mbimbiliya
(Minu 4) Bis 34:1-22 (th cilongesa 5)
4. Kushangumuka Kusimutwiya na Banu
(Minu 2) KWAMBULULA MU KUTULUKWA. Munu ecela kusimutwiya neni simbu kanda mumwambulwile. (lmd cilongesa 1 simpi 4)
5. Kwilukilako
(Minu 4) KWAMBULULA MU KUTULUKWA. (lmd cilongesa 2 simpi 4)
6. Lumbununeni Byuma Bimwakulahela
(Minu 5) Cimweso. ijwfq 59—Mutwe wa Ñanda: Bakaleho ba Yehova Bakazibuka Bati Ndi Kubapandele Kulinga Cilika Cimo? (th cilongesa 17)
Mwaso 59
7. Bingila Bitatu bya Mwakushangazalela Yehova ku Biwano
(Minu 15) Kusimutwiya.
Biwano bya cikungulukilo bikatukwasa tuwane bingila byabibwa bya mwakushangazalela Yehova. Ebi bingila bitatu binatako byasa kutukwasa.
Kusimutwiya: Endekeni manene ha bubwa bwa Yehova nga muli na bakweni. (Bis 145:1, 7) Munawaneneko simpi imo inamikwasele manene ndi? Kuma munaliwaneneko na byuma byabibwa mu lihya ndi? Kuma kuli majwi nambe bilinga bya munu umo bije binamishongangeyeye manene ndi? Kuma munamweneko byakutanga bimo bije binamizibisile manene kubwaha ndi? Ebi byoshe binapu bwana bwa kutunda kuli Yehova. (Jms 1:17) Libangeni ku biwano mangana muwane simbu ya kusimutwiya na bakweni.
Bikumbululo: Lingeni mumwasela mwoshe mangana mukumbulule nambe lumolika ha simbu ya biwano. (Bis 26:12) Mwasa kukumbulula cikumbululo cije cinasungama bene ha cihula nambe kwendeka ha simpi ikwabo, ha cisoneka, ha cikupulo nambe mwakupangesela bisimpi bilimo mu kuyoya kwetu. Hakuwana ngwe na bakweni nabo banasa kwimika maboko, libwaheseleni bikumbululo byabingi. Tubaboshe “twana Njambi mulambu wa kumushangazala,” nga bikumbululo byetu bipwa bya masekondi 30 lika nambe kwiluka mwisi.—Heb 13:15.
Myaso: Imbeni myaso ya Bumwene na nzanzu. (Bis 147:1) Simbu imo hamo kubatwimika mangana tukumbulule ku biwano maneneni mu cikungulukilo muje muli banu babangi, oloni twasa kwimbila hamo na bakwetu myaso. Nameme muliziba ngweni mwakala na malungi, Yehova abwahelela manene nga amona kulifwita kweni mu kushaka kumuzibisa kubwaha. (2Kr 8:12) Mwasa kulibwahesela ha kulizilisa kwimba myaso ku njibo.
Mwesa VIDIO ya Mubyakele na Kwendela Byuma mu Munga Yetu Kweta na Lelo—Bwana bwa Mwaso, Mutamba 1. Kutundaho ihula mbunga ngwobe:
Twakele na kumwesa bati seho ya kushangazala Yehova kwitila mu myaso kunima?
8. Cilongesa ca Mbimbiliya ca Cikungulukilo
(Minu 30) lvs capi. 8 lipu. 114-117 Binangulo bya mu Mbimbiliya
