May 6-12
BISAMU 36-37
Mwaso 87 na Lilombelo | Majwi a Kuzimbula (Munu 1)
1. “Keti Mulubale Mwafwa ya Baka-bubi”
(Minu 10)
Baka-bubi bakatunenela tuyando (Sm 36:1-4; w17.04 10 ¶4)
Nga tutwalelelaho kulubala mwafwa ya bilinga bya baka-bubi kwasa kutunenela bukalu (Sm 37:1, 7, 8; w22.06 10 ¶10)
Nga tukulahela byuma byanatukulahesa Yehova kutulingisa tukale mu kwoloka (Sm 37:10, 11; w03 12/1 13 ¶20)
LIHULENI NGWENI, ‘Kuma njikaka manene mbunge ku mizimbu ije imwesa bilinga byabukenya ndi?’
2. Kutondesesa Bisimpi bya Seho
(Minu 10)
-
Sm 36:6—Muka-kwimba hamo walumbwinine bika mwendekele ngwendi kusungama kwa Yehova kunapu ngwe “minkinda yakama.” [nambe minkinda ya Njambi,” ftn.]”? (it-2 445)
-
Bisimpi muka bimunawana mu kutanda Mbimbiliya cino calumingo?
3. Kutanda Mbimbiliya
(Minu 4) Sm 37:1-26 (th cilongesa 10)
4. Kushangumuka Kusimutwiya na Banu
(Minu 3) KWAMBULWILA HA NJIBO NA NJIBO. (lmd cilongesa 1 simpi 5)
5. Kwilukilako
(Minu 4) KWAMBULULA MU KUTULUKWA. Shangumuka cilongesa ca Mbimbiliya ku munu uje wabyanene kulilongesa Mbimbiliya. (lmd cilongesa 9 simpi 4)
6. Ñanda
(Minu 5) ijwbv 45—Mutwe wa Ñanda: Mukanda wa Bisamu 37:4 ulumbununa bika? (th cilongesa 13)
Mwaso 33
7. Kuma Mwalibwaesela “Simbu ya Bukalu” Ndi?
(Minu 15)
Bandolome na bandokazi mu kaye koshe bali na kuliwana na kayando mwafwa ya bukalu bwakulizila na bukalu bukaija mwafwa ya bilinga bya banu. (Sm 9:9, 10) Calubinda, banu basa kuliwana na “bukalu” simbu yoshe-yoshe. Ngeci, tubaboshe tunapande kulibwaesela.
Byuma muka bikwabo lalo bitunapande kulinga a bije byasa kutukwasa nga kunasholoka bukalu?
-
Kulibwaesela mu bisinganyeka: Zibukeni ngweni munasa kuliwana na bukalu, co singanyekeni ha byuma bimwasa kulinga nga kwasholoka bukalu. Keti mwake manene mbunge ku byuma byakumubila. Oku kumikwasa kwangula mwamubwa bya kulinga na kunyungilila buyoye bweni nobu bwa bakweni kutubaka kushaka kunyungilila byuma byeni bya ku mubila. (Gen 19:16; Sm 36:9) Nga kumwaka manene mbunge ku byuma bya ku mubila, kumikwasa mukale na biyongola byabibwa nga binanyongo.—Sm 37:19
-
Twaleleleniho kukanyamesa likulahelo lyeni: Kulaheleni ngweni Yehova ashaka kumikwasa na kuminyungilila. (Sm 37:18) Simbu kanda muliwane na bukalu, anukeni ngweni Yehova atwamenena na kukwasa bangamba bendi nameme byuma byabo binyonga.—Jel 45:5; Sm 37:23, 24
Nga tukulahela ngwetu Yehova ashulisilila byuma byanakulahesa, tumwesa ngwetu ikeye napu ‘mwela wetu wa kubanda ha simbu ya bukalu.’—Sm 37:39.
Mwesa VIDIO ya Mwalibwahesela Bukalu bwa Cishitukila Ndi? Kutundaho, ihula mbunga ebi bihula:
-
Yehova asa kutukwasa bati ha simbu ya bukalu?
-
Byuma muka bitwasa kulinga mangana tulibwaesele bukalu?
-
Twasa kukwasa bati baje banaliwana na bukalu?
8. Cilongesa ca Mbimbiliya ca Cikungulukilo
(Minu 30) lvs capi.9 para. 1-8, Biñanda bya Kushongo 23
Majwi a Mamaneselelo (Minu 3) |
a Taleni Muzuhe! No. 5 2017, lipu 4-6.
