May 27–June 2
BISAMU 42-44
Mwaso 86 na Lilombelo | Majwi a Kuzimbula (Munu 1)
1. Waneni Bukwasi Mukushula Kubilongesa Bya Njambi
(Minu 10)
Lemeseleni hamo Yehova na bakweni, nga citaba lingeni ngoco oku munalikungulwila hamo (Sm 42:4, 5; w06 6/1 9 ¶4)
Lombeleni simbu kanda mutande Lijwi lya Njambi (Sm 42:8; w12 1/15 15 ¶2)
Tabeseni Mbimbiliya imitwamenene mu byuma byoshe (Sm 43:3)
Kulilongesa bilongesa bya Njambi kutukwasa nga tuliwana na byeseko na kutukwasa tutwaleleleho kupangela Yehova myaka yoshe.—1Pi 5:10; w16.09 5 ¶11-12.
2. Kutondesesa Bisimpi bya Seho
(Minu 10)
-
Sm 44:19—Awa majwi aje endeka ngwao “kuje kwakala bimbanje” alumbununa bika? (it-1 1242)
-
Bisimpi muka bimunawana mu kutanda Mbimbiliya cino calumingo?
3. Kutanda Mbimbiliya
(Minu 4) Sm 44:1-26 (th cilongesa 11)
4. Kushangumuka Kusimutwiya na Banu
(Minu 4) KWAMBULWILA HA NJIBO NA NJIBO. Shangumuka cilongesa ca Mbimbiliya. (lmd cilongesa 5 simpi 5)
5. Kwilukilako
(Minu 5) KWAMBULWILA HA NJIBO NA NJIBO. Mulanye ku ñanda ya mbunga inatako. Zimbula vidio ya Bika Bikalingiwa ku Njubo ya Bumwene? (lmd cilongesa 7 na simpi 5)
6. Ñanda
(Minu 3) lmd biñanda bikwabo A simpi 4—Mutwe wa Ñanda: Banu boshe bakalikangula. (th cilongesa 2)
Mwaso 21
7. Anguleni Mwamubwa Bipangi na Sikola
(Minu 15)
Bakwenje na bambanda, kuma muli na kusinganyeka ha byuma bimushaka kulinga nga mumanesa sikola ndi? Hamo muli na kuyongola kukapanga cipangi cije cikamitabesa kuwana simbu ya kulinga bupainiya. Indi hamo muli na kusinganyeka kuya ku sikola ya helu mangana muwane cipangi cije cimikwasa kulinga bupainiya. Ei inapu simbu yaibwa mu buyoye bweni. Simbu imo, kwasa kumikaluwila kwangula mwamubwa byakulinga bije bizibisa bakweni kubwaha. Bika byasa kumikwasa kwangula mwamubwa byakulinga?
Tandeni Mateu 6:32, 33. Kutundaho, ihula mbunga ebi bihula:
-
Mwafwa bika kwapwa kwa seho kulyakela bilengo bya ku sipilitu simbu kanda tusinganyeke bya kuya kusikola ya helu nambe kwangula bipangi?
-
Bisemi basa kukwasa bati bana babo bapangese cinangulo cili ku mukanda wa Mateu 6:32, 33?—Sm 78:4-7
Nyanyameni mangana keti mutabese bufuko nambe lutsimo kutwamenena byuma bimwangula kulinga. (1Iw 2:15, 17) Anukeni ngweni kukala na bufuko kwasa kwonowesa munu kutambula muzimbu wa Bumwene. (Luk 18:24-27) Nga munu ashakezeka bufuko kwasa kumukaluwila kuwana simbu ya kukanyamesa busamba bwendi na Yehova na kulinga byuma bije bizibisa Yehova kubwaha.—Mat 6:24; Mak 8:36.
Mwesa VIDIO ya Keti Mukulahele Byuma Bije Byasa Kuhwa!—Bufuko. Kutundaho, ihula mbunga eci cihula:
-
Mukanda wa Provebia 23:4, 5 wasa kumikwasa bati kwangula mwamubwa bya kulinga?
8. Cilongesa ca Mbimbiliya ca Cikungulukilo
(Minu 30) lvs capi. 9 lipu. 129-131 Binangulo Bya mu Mbimbiliya
