• Sm 108:9—Mwafwa bika Mowabi banayesekesa ku ‘lilonga lya kutanena,’ nambe ku ‘ndeho ya kukushila’? (it-2 420 ¶4)

  Cikumbululo ceni

• Bisimpi muka bimunawana mu kutanda Mbimbiliya cino calumingo?

  Cikumbululo ceni

BaIsalele baje balishoshomwenene, bashangumukile kwimba mwaso omwo Yehova wabamenene ku maswalale ba baka-Ijipiti ku Kalunga Ndonga wa Kubenga. (Ekz 15:1-19) Co banalume bakebo batwamenenene mu kwimba uje mwaso wauha. (Ekz 15:21) Yesu na Baka-Kristu bakulibanga nabo bakele na kwimba myaso ya kushangazala Njambi. (Mat 26:30; Kol 3:16) Netu tukatwalelelaho kumwesa kukandelela mutukembi myaso ya kushangazala Yehova ku biwano bya cikungulukilo, biwano bya citingitingi na biwano bya mutambela. Cakumwenako, mwaso utunembi wa mutwe wa “Yehova, Tukukandelela,” tunatwalelelaho kuwimba ku biwano byetu kushwa mu 1966.

Ku myela imo banalume kubesi kuzituka kwimba nga bali ku mbunga. Bamo co kubesi kwimba mwafwa bakalizibi ngwabo bakala na malungi. Oloni tunapande kwanuka ngwetu kwimba myaso ku biwano yapwa ngila imo itukalemesela Yehova. Munga ya Yehova ikalifwiti kutuhula na kwangula myaso inapande ije itunapande kwimba ku biwano byetu. Co oku kukatupwila kwakwasi kwimbila hamo mu kushangazala Tate yetu wa mwilu, hamolika na kumwesa kukandelela.

Mwesa VIDIO ya Mubyakele na Kwendela Byuma mu Munga Yetu Kweta na Lelo—Bwana bwa Mwaso, Mutamba 2. Kutundaho, ihula mbunga ebi bihula:

• Byuma muka byalingiwile mu mwaka wa 1944?

  Cikumbululo ceni

• Bandolome betu ba mu Siberia bamwesele bati ngwabo bazemene kwimba myaso ya Bumwene?

  Cikumbululo ceni

• Mwafwa bika Bakaleho ba Yehova bamona kwimba kupwa kwa seho?

  Cikumbululo ceni