YOYESI YA BAKA-KRISTU

Kwaseni Banu Baje Kubakulahelele Bulombelo Bwoshe-Bwoshe Bazibuke Ishamatanga Yabo

NYATEKENI YENDEKE

Kuma mukonowa kwambulwila banu baje kubakulahelele bulombelo bwoshe-bwoshe kutewa ngweni hamo kubatolilila ndi? Nga mukemwo, anukeni ngweni banu babangi baje kubakulahelele bulombelo bwoshe-bwoshe kwambateselela hamo na baje kubakulahelele Njambi banapu oni Bakaleho ba Yehova. Byuma binakwasa aba banu balilongese busunga binapu kubakwasa balimwene bakaleho bumwesa ngwabo Njambi kwakala.—Lom 1:20; 10:14.

KENGENI VIDIO YA ANUKENI NGWENI BANU KUBESI NA LIKULAHELO BASA KUKALA NALYO—BANU KUBAKULAHELELE BULOMBELO BWOSHE-BWOSHE. KUTUNDAHO, KUMBULULENI CIHULA CINATAKO:

Mwanja wa Tommaso wamikwasa bati keti mutewe kwambulwila banu baje kubakulahelele bulombelo bwoshe-bwoshe?

Cikumbululo ceni

Mwakulingila

Nga munu endeka ngwendi kakulahelele kuli Njambi, co endekeni nendi mukasingimiko, endekeni mu kunyanyama na kwaka mbunge ku byuma binamulingisa akulahele ngoco. (2Ti 2:24) Simutwiyeni ha biñanda bije byasa kumweta ku mbunge. Kuma nashubuluka kusimutwiya ha bukaleho buje bunakwasa banu babangi bakulahele ngwabo kwakala Ishamatanga ndi? Nga mukemwo, pangeseni mabulu na mavidio abanabwahesela kukwasa munu kakulahelele ngwendi kwakala Ishamatanga. Mabroshuwa anatako banawaka mu Cikasha ca Bikwata bya Kupangesa mu Kulongesa mangana tuawane bwasi Was Life Created? na The Origin of Life—Five Questions Worth Asking.

Hakulibanga, hamo kunasa kumikaluwila kwambulwila munu uje kakulahelele kuli Njambi. Lombeni muka-kwambulula wakuhya amikwase. Anukeni ngweni Yehova asa kutukwasa mangana tukwase banu ba bimbunge byabibwa nameme hakulibanga mutubambulwila banasa kubyana ngwabo Njambi kakeleko.—Bil 13:48.

MUKANDA WA BIWANO WA BUYOYE NA CIPANGI