YOYESI YA BAKA-KRISTU
Tunyungi Bakapanga na Nzili mu Kukwasa Banu ba Yehova
Banu babangi bali na biyongola bya kuhenga hali baje bali na moko. Twasa kubazibisisa. Ha myaka yaingi, banu babangi banapangesa mwamubi moko yabo. (Mik 7:3) Twabezika manene mwafwa bakulunu mu bikungulukilo bakabalongesa kupangesa moko yabo mu kukwasa banu ba Yehova.—Esi 10:3; Mat 20:25, 26.
Bakulunu banalisezela kulako na banu bali na moko muno mu kaye mwafwa bakebo bakapanga cipangi cabo ca bunyungi mwafwa bazema Yehova na banu bendi. (Iwa 21:16; 1Pi 5:1-3) Aba tunyungi bakakabangeya kutwamenena kwa Yesu mu kukwasa baka-kwambulula boshe balizibe ngwabo nabo banapu mutamba wa naanga ya Yehova na kubakwasa bakanyamese busamba bwabo na Yehova. Banalibwahesela kukwasa bangamba ba Yehova ku sipilitu na kubakwasa nga kunatakuta bubezi ku cipatela nambe bukalu bwa cishitukila. Nga mutonda bukwasi, mulinga mwamubwa manene kutumina foni mukulunu wa mu cikungulukilo ceni.—Jms 5:14.
KENGENI VIDIO YA TUNYUNGI BALI NA KUNYUNGA BUTANGA. KUTUNDAHO, KUMBULULENI BIHULA BINATAKO:
-
Bakulunu bakwasele bati Mariana?
-
Bakulunu bakwasele bati Elias?
-
Munima ya kukenga ei vidio, muliziba bati ha cipangi cibali naco bakulunu?
