Ëy 33
¡Kyaj xytsyëˈëgëdë mëtsip!
1. Joˈomdë etsë jäˈäy tnijawët
ko Jesus tam tyam yˈaneˈemy,
ets kyaj ntsëˈkëm ja mëtsip,
waˈan tnijawëdë tëyˈäjn.
Pes ja nˈUˈungëtsë Jesus të
ja myëtsip tˈëxkexy tsäjpotm
ets tim tsojk ja Satanás kyaj
pënë jäˈäy tnekywyinˈëënäˈäny.
(DIˈIB YAˈËËWËMBIJTP)
Uˈunk ënäˈkëty kyaj pën xytsyëˈëgët,
mbäät xykyugaˈaktë ja mëtsip.
Ëjts diˈib miitsëty nguentˈatandëp
duˈun extëmtsë nwiin nguentˈaty.
2. Oy nyimayëty ja mëtsip ets
oy mˈanëˈëmxëdët wixaty,
mmëgäjpxanëp tsuj yajxon
parë duˈun mwinˈëënëdët.
Kyaj mtsëˈëk mjawëdët ninuˈunëts
mijts xymyëdundë winë jot,
xëmë mijts nbudëkëyäˈändë
ets mmadäˈäktët mä mëtsip.
(DIˈIB YAˈËËWËMBIJTP)
Uˈunk ënäˈkëty kyaj pën xytsyëˈëgët,
mbäät xykyugaˈaktë ja mëtsip.
Ëjts diˈib miitsëty nguentˈatandëp
duˈun extëmtsë nwiin nguentˈaty.
3. Ets kyaj mtsëˈëgët pes ninäˈä nëjkx
ngamastuˈuty mijts nguentˈataampy.
Ets oy mˈoogët per kyaj mijts
naˈixäˈäny nyajjukypyëkaampy,
ets kyaj xytsyëˈëgët diˈib yaˈoogëp
jeˈeyë ja mniniˈkx mgëbäjk.
Mbäät mmadäˈäktë axtë ko ja
kutëgoˈoyën myinët yä.
(DIˈIB YAˈËËWËMBIJTP)
Uˈunk ënäˈkëty kyaj pën xytsyëˈëgët,
mbäät xykyugaˈaktë ja mëtsip.
Ëjts diˈib miitsëty nguentˈatandëp
duˈun extëmtsë nwiin nguentˈaty.
(Käjpx nanduˈunë Deut. 32:10; Neh. 4:14; Sal. 59:1; 83:2, 3.)
