1. ¡Yajtuˈuyoˈoy tyam mas niˈigyë ja Diosë tyuunk!

Aknijawë tyam niˈigyë tijatyë Jyobaa tsyejpy.

Tun yajxon ets jotmoˈoy netë Dios Jyobaa

nëjkx mgunuˈkxyëty winë xëë.

Niˈamukë mbäät nduˈunëm ja tuunk

diˈibë ojts tniˈanaˈamë Jesus.

Pääty amdowë Jyobaa jotmëkˈäjtën ets

ja myëjää yëˈë kyaj myastuˈuty.

2. Yajtuˈuyoˈoy niˈigyë ja Diosë tyuunk nanduˈun

ets ja oybyë ayuk tukˈawanë tyamë jäˈäy.

Mëjkumayë Jyobaa diˈib nDiosˈäjtëm tyam,

ets nanduˈun awanë jäˈäy.

Ets këdii ja mëtsip tsyëˈëgë tyam,

pes kyaj mbäät mdukmastuˈutyëty ja tuunk.

Nëjkx awanëdë jäˈäy ko ta tyam wyingony

ja Jyobaa Kyutujkën yä.

3. Yajtuˈuyoˈoy tyam mas niˈigyë ja tuunk ets kyaj

mijts xyjëjptsëˈëgët yëˈë ko kajaa tuunk diˈib yajtunäämp.

Waˈanë Diosë myëjää yëˈë mbudëkëty tyam

net ja tuunk nëjkx xytyukxondaˈaky.

Oy ko xytsyokëdë jäˈäy diˈib tyam mbatypy

tukjaygyukë ja Diosë tyëyˈäjn.

Nan pudëkë oyjyaˈay ets wyimbatët tyam

parë nëjkx jyukyˈaty Naxwiiny.