Ëy 25
Tsojkën yëˈë yajtukˈëxkäjptëp ja Dios mëduumbë
1. Ta tuˈugë ley diˈibë yajtunäämp
pën nbanëjkxäˈänëm ja Jesus.
Ko ntsojkëm ja nmëguˈukˈäjtëm duˈun
extëm ojts xytsyojkëm ja Jesus
ets axtë ojts ja jyukyˈäjtën dyaky.
Pääty nˈokpanëjkxëm ja yˈijxpajn
ets nˈokˈyaˈijxëm nanduˈun ja tsojkën
parë nyajtukˈëxkäjpëm yëˈë.
2. Ja tsojkën diˈib nimënäˈä kyakëxy,
yëˈë xëmë jäˈäy oy yajnayjäˈäp.
Dios të jawyiin xytsyojkëm pääty nanduˈun
ntsojkëm ets nduˈunëm xëmë tyuunk.
Kyaj mëtnaymyaayëbë mbäät yajpääty
oy naa mä diˈib oyjyaˈay ets tsojkp.
Yëˈë tyäˈädë tsojkën xyaˈijtëm tuˈugyë,
nˈokˈyaˈijxëm tuˈuk tuˈuk ja xëë.
(Käjpx nanduˈunë Rom. 13:8; 1 Kor. 13:8; Sant. 2:8; 1 Fwank 4:10, 11.)