1. Jyobaa mäjëts yam të nduˈukmuktë,

yëˈëts yam njamyatsandëp diˈib mduun.

Jap Egipto myaˈijxë ko mijts kumëjääw,

oyjyaˈay ets mëdëy tijaty xytyuny.

Ja mgäjpn ojts xyyajwëˈëmy awäˈätstum ko

tyeemy yojky ja borreegë nyëë nyeˈpyny.

Ok, ta myiinyë Jesus ets tteemy dyojkyë nyëë nyeˈpyny,

duˈun tkuytyuuny diˈibë mijts ojts xywyandaˈaky.

2. Kots nˈixtë tsäjpkaaky etsë binë,

yëˈëts diˈib xytyukjamyajtstëp ti mduun.

Ko kajaajëts mijts xytsyoktë

ko xykyejxy ja mduˈukˈUˈunk

ets ojts xyjyuuybyëtsëmdëts Naxwiiny.

Pääty tyamë dyoskuyëm mijts nmoˈoytyë,

mët ko xykyejxyë mˈUˈunk yä Naxwiiny.

Duˈunë mˈUˈunk ojts tkuˈoogë

ja poky ja kaytyey

parëts tyam mbäät njukyˈattë jotkujk.

 3. Jyobaa jantsy jotkujkëts nyajpäättë

kots yam njamyatsäˈändë diˈib mduun.

Ets mëjwiinëts ngukäjpxëdë

ko xykyejxyë mˈUˈunk,

pes yëˈëts xyjyuuybyëtsëëmdë mä poky.

Kots ja yˈoˈkën xëëw tyam njamyatstë,

kajaats xyyajwinmaytyë nanduˈun.

Nbanëjkxandëbëts tyamë yˈijxpajnë Jesus,

parëts xëmë njukyˈattët Naxwiiny.