ËY 76
Tukmëtmaytyakëts wiˈix mnayjawëty
-
1. ¿Ets wiˈix mnayjawëty ko
mtsoony käjpxwäˈkxpë winë jot,
ets ko xypyaaty diˈib myëdowaampy
ja Diosë yˈääw yˈayuk?
¿Ets wiˈix mnayjawëty ko
Jyobaa yëˈë xypyudëkë tyam,
pes yëˈë diˈib myëjwoobyë jäˈäy
ets yˈijxypyë korasoon?
(DIˈIB YAˈËËWËMBIJTP)
Mëjwiin kajaats njantsy tyukxondaˈaky
kotsë Jyobaa nyajmëjpëtsëmy,
mët kots ngäjpxwaˈkxy ja yˈääw yˈayuk
ets xëmëts duˈun ndunäˈäny.
-
2. ¿Wiˈix mijts mnayjawëty ko
tyamë jäˈäy xytyukmëtmaytyaˈaky,
ja tëyˈäjtën tsuj yajxon parë
jyukyˈattët oy?
¿Wiˈix mijts mnayjawëty ko
tyamë jäˈäy tˈixyˈatyë Dios?
Oy nimay tkatsoktë Dios
mijts xëmë xymyëdunäˈäny.
(DIˈIB YAˈËËWËMBIJTP)
Mëjwiin kajaats njantsy tyukxondaˈaky
kotsë Jyobaa nyajmëjpëtsëmy,
mët kots ngäjpxwaˈkxy ja yˈääw yˈayuk
ets xëmëts duˈun ndunäˈäny.
-
3. ¿Ets wiˈix mnayjawëty mijts
ko Jyobaa mbudëkëty tyam,
parë net xykyuytyuny ja tyuunk
diˈib mduknipëjkë yëˈë?
Nan ¿wiˈix mnayjawëty ko
winë jot xymyëdunyë Dios?
Aktuungoj ja Diosë tyuunk
këdii mˈëxtëkëwaˈaky.
(DIˈIB YAˈËËWËMBIJTP)
Mëjwiin kajaats njantsy tyukxondaˈaky
kotsë Jyobaa nyajmëjpëtsëmy,
mët kots ngäjpxwaˈkxy ja yˈääw yˈayuk
ets xëmëts duˈun ndunäˈäny.
(Käjpx nanduˈunë Apos. 13:48; 1 Tes. 2:4; 1 Tim. 1:11).
