YAJTUNY TUˈUGË KAMPANYË
¿Wiˈix ja Diosë gyobiernë dyaˈoyëyaˈany ko nëgooyë tyuunë ets yˈäänë?
Inger Andersen, mëdiˈibë tuump secretaria general adjunta de las Naciones Unidas ets directora ejecutiva del Programa de las Naciones Unidas para el Medio Ambiente, jyënany 25 äämbë julië 2023: “Ko nëgooyë tyuunë ets yˈäänë, ta tˈayoˈonmoˈoyë jäˈäy, jëyujk animal ets yˈayoˈonbëjktaˈaky siudääjoty.Ta nanduˈun mas mëkaty myiinë urakan ets dyajwëˈëmy winwäˈätstuuy mayë jäˈäy abëtsëmy nyaxwinyëdë, yajkutëgooytyaapy nanduˈun tijaty yajnijukyˈäjtp. Nëgooyë nanduˈunë mejny yˈambëjknë ets mbäät yˈooky o kyutëgoy tijaty jap yajpattëp”.
¿Mbäädëdaa gobiernëtëjk nyayajtuˈugyëdë ets tjëjpkuwäˈägëdë yäˈädë jotmay mëdiˈibë ayoˈonbëjktakp abëtsëmy nyaxwinyëdë? ¿Mbäädëdaa tjantsy yaˈoyëdë?
Biiblyë myaytyakypy tuˈugë gobiernë mëdiˈibë mbäät tjantsy yaˈoyë. Jyënaˈany ko “Dios mëdiˈibë tsäjpotm dyajnaxkëdäˈägäˈäny tuˈugë gobiernë” mëdiˈibë kyëˈamˈataambyë yäˈädë Naxwinyëdë ets dyaˈoyëyaˈany (Daniel 2:44). Ko nety të tyëkë tuumbë yäˈädë gobiernë, “nipën axëëk kyaˈˈadëˈëtsäˈäny”, kyaj pën axëëk ttunäˈäny ja myëguˈuktëjk ets ni tkayajwindëgoyaˈany ja Naxwinyëdë (Isaías 11:9).