Ja tsip mëdiˈibë jap tuunëp Ucrania yajxon dyajnigëxëˈëky ko pënaty nyiwintsënˈäjttëbë relijyonk kyupëjktëp ko jäˈäy tsyiptundë. Okˈix wiˈix jyënäˈändë:

•   “Dyoskujuyëm nmoˈoytyë miitsëty niˈamukë soldäädëtëjk, ko xynyitsiptundë Ucrania mä ja mëtsipëty […]. Kyaj naytyuˈuk myajpäättë mä yäˈädë tsip, xëmë miitsëty nninuˈkxtäägëyäˈändë ets nbuwäˈägëyäˈändë” (metropolitano Epifanio I de Kiev, The Jerusalem Post, 16 äämbë marsë 2022).

•   “Yäˈädë domingë, ja teety wintsën mëdiˈibë jap Rusia tnimisëtuuny ja soldäädëtëjk ets tjotmëkwingugäjpxë parë duˈunyëm tnitsiptundët ja pyaˈis. Etsë Moscú duˈunyëm jap tsyiptuny mëdë Ucrania” (Reuters, 3 äämbë abril 2022).

 ¿Mbäädë Diosmëduumbë nyëjkxtë tsiptuumbë? ¿Wiˈixë Biiblyë tnimaytyaˈaky?

 Biiblyë tnimaytyaˈaky ko pënaty jyantsy pyanëjkxtëbë Jesukristë kyaj ttuktëkëdë tsip.

•    “Pëjkëˈëgë mˈespäädë mä xyaˈity. Mët ko nidëgekyë diˈibë tsiptuump mëdë espäädë, nan mëdë espäädë yˈoogët” (Matewʉ 26:52).

   Pën tuˈugë jäˈäy pyuwäˈkëp o nëjkxp tsiptuumbë, ¿jyantsy myëmëdoobyëdaa nety extëmë Jesus ojts tniˈanaˈamë?

•   “Tyäädëts miits nmooytyëp yëˈë jembyë anaˈamën: Naytsyokëdë nixim niyam. Dëˈën extëm miits ntsoktë, nandëˈën mnaytsyokëdët nixim niyam. Pën mnaytsyojkëdëp miitsëty nixim niyam, net nidëgekyë ja jäˈäy tnijawëdët kots ëj mij nˈëxpëjkpëˈattë” (Fwank 13:34, 35).

   Pën tuˈugë jäˈäy tyuktëjkëbë tsip, ¿yëˈëdaa nety yaˈijxëp ja tsojkën mëdiˈibë Jesus myaytyak yajtukˈëxkapäˈändë ja yˈëxpëjkpëtëjk?

 Pën mˈaknijawëyaampy niˈigyë, käjpxë artikulo “El cristianismo y la guerra: ¿son compatibles?”.

 Mä ndiempëˈäjtëm, ¿waˈandaa ttuktëk ttukwäˈägëdë tsip ja Diosmëduumbëty? Kyaj ttuktëkëdë. Pesë Biiblyë ojts tnaskäjpxë ko “mä ja tiempë jyëjpkëxanë” jaˈˈatäämp netyë jäˈäyëty mëdiˈibë määyëm tsyoondë mëdiˈibë  “kyaj pën tnekynyiˈëxpëkëyaˈanyë tsip”, duˈun extëmë Jesus tyukniˈˈijxë (Isaías 2:2, 4).

•   Parë niˈigyë xyˈaknijawët, käjpx kanäägë artikulo mëdiˈibë mä La Atalaya “¿Qué piensa Dios de las guerras?”.

 Tim tsojkë Jyobaa, a ja “Dios diˈibë xymyoˈoyëm ja agujkˈäjt jotkujkˈäjtën” dyaˈˈawäˈätspëtsëmäˈänyë jäˈäy ‘mä nety axëëk yajtuny [...] ets mä nety käˈäp jyotkujkˈattën’, mëët yëˈëgyëjxm ja yˈAnaˈam Kyutujkën (Filipʉs 4:9; Salmo 72:14, Tios yˈaaw yˈayuk).

•   Parë xynyijawët wiˈix ttunäˈäny, ixë bideo ¿Ti yˈandijpy Diosë yˈAnaˈam Kyutujkën?