Ko Jesus jyukyˈajty yä Naxwiiny yajnigëxëˈëk ko mëkë nety tsyoky ja naxwinyëdë jäˈäy, mas niˈigyë mëdiˈibë nety yaˈˈamääytyaktëp tijaty ets mëdiˈibë nety axëëk jäjt këbajtëp (Matewʉ 9:36). Axtë ojts tkuˈoogë naxwinyëdë jäˈäy (Matewʉ 20:28; Fwank 15:13). Tim tsojk jatëgok xytyukˈixäˈänëm ko mëk xytsyojkëm, pes mä jam yˈanaˈamnë mä Diosë yˈAnaˈam Kyutujkën, yajtunaampy ja myëkˈäjtën parë dyajjëjptëgoyaˈany mä tyam yˈamääytyaˈaky tijaty abëtsëmy nyaxwinyëdë.

 Jesus yëˈë yaˈˈadëwaampy mëdiˈibë ojts yajnaskäjpxë mä yäˈädë tekstë:

•   ‘Nyibaayeˈeyëp ja ëyoobëjäˈäytyëjk, ets tmoˈojëty ja jotkujkˈäjtën ja yˈuˈunk yˈënäˈk’ (Salmo 72:4, Tios yˈaaw yˈayuk).

 ¿Wiˈix mbäät nyajnigëxëˈkëm ko nmëjjäˈäwëm ti Jesus tyuun ets ti tyunaampynyëm? Mä Lukʉs 22:19, Jesus tˈanmääy ja yˈëxpëjkpëty ets tjamyatstët ja yˈoˈkën xëëw. Päätyënë Jyobaa tyestiigëty jëmëjt jëmëjt tjamyatstë. Myajwoowdëp määjëts njamyatsäˈändë Jesusë yˈoˈkën xëëw domingë 24 marsë, 2024.

Mä mbäät mnëjkxy parë xyjyamyatsëdë Jesusë yˈoˈkën xëëw