¡NˈOKNAYAˈIJTËM WIJY KEJY!
¿Wiˈix jyäjttë Jyobaa tyestiigëty ko nimayë jäˈäy yˈoˈktë mä Segunda Guerra Mundial? | ¿Wiˈixë Biiblyë tnimaytyaˈaky?
27 äämbë eneerë 2023, ja mä mayë jäˈäy tjamyatsäˈändë ko jyäämˈoˈk nyääxˈoˈktë mä Segunda Guerra Mundial. Ko duˈunë mayjyaˈay yˈoˈktë naxy tëgëˈpx mäjmokx jëmëjtëp, waˈanë net mnayajtëyëty: “¿Tidaa ko Dios tnasˈijxë ets duˈun tyuny jyatëdët?”.
Pën mnijawëyaampy wiˈix jyënaˈanyë Biiblyë, käjpxë yäˈädë artikulo “¿Por qué sucedió el Holocausto judío? ¿Por qué Dios no lo impidió?”.
Ja judiyëtëjk yëˈë mëdiˈibë niˈigyë yajpajëdijttë. Mëk yˈayoowdë ets miyonkˈam ojts yˈooktë. Nanduˈun yajpajëdijttë wiinkpë relijyonk ets yaˈoˈkëdë jäˈäyëty. Extëmë Jyobaa tyestiigëty ojts nanduˈun yajpajëdittë mët ko tmëbëktë extëmë Biiblyë jyënaˈany.
Pën mˈaknijawëyaampy niˈigyë, käjpxë yäˈädë artikulo “¿Qué les ocurrió a los testigos de Jehová durante el Holocausto?”.
Myiny kyëdaˈagyë oyˈäjtën
Mayë jäˈäy tsëˈk jäˈäwëdëp ko jatëgok duˈunë jäˈäy jyäämˈook nyaxˈooktët. Perë Biiblyë xyjyotkujkmoˈoyëm, pes jyënaˈany ko miin këdakpë jotkujkˈäjtën ets kyaj pën duˈumbë jotmay tˈokpäädanë.
“Pes ëjts wäˈätsëts nnijawë tijatyëts miitsëty ndukmëtsojktëp, duˈun jyënaˈanyë Jyobaa. Ndukmëtsojkypy mˈitët agujk jotkujk ets kyaj mˈamaybyäät mjotmaybyäädët, ndukmëtsojkypyë oyˈäjtënë mä tiempë myiny kyëdaˈaky” (Jeremías 29:11). a
Yäˈädë ja duˈun tyunäˈäny jyatäˈänyëty ko netyë Jyobaa të dyajkutëgoy ja axëkˈäjtën ets tijaty xyaˈˈayoˈowëm. Tim tsojkë Dios ttunäˈänyë yäˈädë:
Dyajkutëgoyaˈanyë axëkjäˈäytyëjk mëdiˈibë tyam yaˈˈayoowdëbë wiinkpëty (Proverbios 2:22).
Pyäädandëbë jotkujkˈäjtën pënaty tyam yajnäjxtëbë jäj jëmuˈumën (Apocalipsis o Diˈibʉ Jatanʉp 21:4).
Dyajjukypyëkäˈäny yä Naxwiiny pënaty të yˈooktë (Fwank 5:28, 29).
Mijts mbäät xytyukjotkujkˈaty yäˈädë wandakën mëdiˈibë Biiblyë yˈawäˈänëp. Pën mˈaknijawëyaampy niˈigyë, ëxpëkë Biiblyë mëdë Jyobaa tyestiigëty.
a Dios txëwˈaty Jyobaa (Salmo 83:18).