Tuˈugë jäˈäy mëdiˈibë nyiwintsënˈäjtypyë Banco Mundial duˈun jyënany mä ja informë mëdiˈibë kyëyäjk junië 2022: “Abëtsëmy nyaxwinyëdë ta jatëgok yˈamääytyëkëyaˈanyë meeny sentääbë, pes nëgooyë tijaty tsyowbajnë ets jantsy kujënaky ja mëjuˈuyën.

 Ja Fondo Monetario Internacional duˈun jyënany ko “ja jëˈkxy pëky, gasolinë etsë petrolyë nëgooyë pojˈam të tyim tsyowbajnë. Ets ko duˈun tyuny jyatyëty, yëˈë niˈigyë yaˈˈayoowdëjkëdëp ja nax käjpn mä kyaj nëgoo jyamëtyë meeny sentääbë”.

 Biiblyë xypyudëjkëm parë njaygyujkëm tiko tyam yˈamääytyaˈagyë meeny sentääbë, ti mbäät nduˈunëm ets pën nëjkxëp näˈä yˈoyë yäˈädë jotmay.

•   Biiblyë jyënaˈany ko yëˈë tyam ndukjukyˈäjtëm ja tiempë “mëdiˈibë jëjpkëxanëp” (2 Timoteo 3:1, Traducción del Nuevo Mundo).

•   Jesus ojts jyënaˈany ko mä ndiempëˈäjtëm tunan jatanëbë nety tijaty mëdiˈibë “naxwinyëdë jäˈäy tsyëˈëgëdëp” (Lukʉs 21:11). Niˈamukë jäˈäy tmëmay tmëdäjtë ko tijaty tsyobety. Pes kyaj tnijawëdë wiˈix ja tiempë miny kyëdaˈaky ets pën pyäädandëp ja meeny sentääbë parë ttukˈixtëdë fyamilyë.

•   Mä Diˈibʉ Jatanʉp o Apocalipsis ojts yajnaskäjpxë ko ja jëˈxy pëky tsowbatäämbë nety mëjwiin kajaa. Jyënaˈany: “Jeˈeyë tuk kilë triigë xyakët tuk xëë nidun, es tëgëk kilë sebäädë xyakët tuk xëë nidun” (Diˈibʉ Jatanʉp 6:6).

 Pën mˈaknijawëyaampy niˈigyë tijatyë nety tunan jatanëp mä ndiempëˈäjtëm ets tijaty ojts yajnaskäjpxë mä Diˈibʉ Jatanʉp, ixë bideo Tëgäjts ja jukyˈäjtën 1914 ets käjpxë artikulo mëdiˈibë jënäämp: “¿Qué representan los jinetes del Apocalipsis?”.

•   “Tkojäˈändë jëën tëjk ets ttuktsëënëyäˈändë; tniˈibäˈän tkojäˈändë uubës ets tjëˈxäˈändë tyëëm. Kyaj tyëjkojäˈändë parë wiinkpë ttuktsëënët, kyaj nyiˈibäˈän kyojäˈändë parë wiinkpë tjëˈxët” (Isaías 65:21, 22).

•   “Yä naxwiiny jyaˈˈatäˈäny mëjwiin kajaa ujts tëëm ujts päjk. Tungëjxy kopkëjxy jyamˈatäˈäny jantsy mëjwiin kajaa” (Salmo 72:16).

•   ‘Yëˈë Wintsën a jëduˈun të yˈënaˈany: Yëˈë ëyoobëjäˈäytyëjk ets oˈktëybyë jyattën kyëbattën, mëdiˈibë jëëytyëp yaxtëbën.Yëˈëjëts yam mbudëkëjandëp etsëts nguwäˈänäˈändë’ (Salmo 12:5, Tios yˈaaw yˈayuk).

 Tim tsojkë Dios dyajjëjptëgoyaˈany ko jäˈäy yˈayoy ets naxwinyëdë abëtsëmy duˈun ttunäˈäny. Parë xynyijawët wiˈix duˈun ttunäˈäny, käjpxë artikulo mëdiˈibë jënäämp: “¿Es realista esperar un sistema económico justo?”.

 Per mientrës nˈëwxijt njëjpˈijxëm parë Dios dyaˈoyët yäˈädë jotmay. Biiblyë mbäät mbudëkëty, pes myëmiimbyë ëwij käjpxwijën. Extëm nˈokpëjktakëm, nyigajpxypy wiˈix mbäät yajxon xyajtunyë meeny sentääbë. (Proverbios 23:4, 5; Eclesiastés 7:12). Pën mˈaknijawëyaampy niˈigyë, käjpxë artikulo mä jyënaˈany: “Cuide su economía” ets “Cómo vivir con menos”.