Mayë jäˈäy wyinmaytyë ko duˈunyëmë jäˈäy nyaybyaxäˈänëdë ets ko kyaj nyekyˈoyëyaˈanyë yäˈädë jotmay.

•    “Ko jäˈäy nyaybyaxëdë ta nanduˈun nyinaxëdë gobiernëtëjk, mëkjäˈäytyëjk ets oy tyim pënëty. Pääty kyaj mbäät yˈoyë yäˈädë jotmay” (António Guterres, tyuny secretario general de las Naciones Unidas).

 ¿Mbäädëdaa näˈä kyaj pën yˈoknabyajxënët? ¿Wiˈixë Biiblyë tnimaytyaˈaky?

 Biiblyë nyimaytyakypy wiˈixë Dios tˈixyë jäˈäy mëdiˈibë tëgatsy ixˈäjttëp.

•    “[Dios] të dyajkojy ja naxwinyëdë jäˈäy mët jeˈeyë tiˈigyë neˈpyny, es të dyaky ja lugäär esë tiempë mä tsyëënëdët nidëgekyë naxwinyëdë jäˈäy” (Apostʉlʉty 17:26).

•    “Dios nidëgekyë jäˈäy ttsojktäˈäy, es tkupëjktäˈäy oytyim pën jäˈäyëty diˈibë wintsëˈkëdëp es tmëduny” (Apostʉlʉty 10:34, 35).

 Biiblyë jyënaˈany ko niˈamukë naxwinyëdë jäˈäy tuˈugyë yajpäättë extëm tuk familyë ets ko Dios kyupëjktaabyë jäˈäy oy mä tsyoonët.

 Diosë yˈAnaˈam Kyutujkën mëdiˈibë yajpatp tsäjpotm, yëˈë mëdiˈibë yajkutëgoyaambyë nayˈaxëkˈixë ets kyaj pën yˈoknaybyaxanënë. Yäˈädë gobiernë yëˈë tyukniˈixëyaambyë jäˈäy parë nyaytsyokëdët ets kyaj ja myëguˈuktëjk tˈokpaxanëdë, pes të nety nyiwatsëndë duˈumbë jäˈäyˈäjtën.

•    “Pënaty tyuktsënäˈäyëdëbë naxwinyëdë tnijawëdë tëyˈäjtën” (Isaías 26:9).

•    ‘Ja oybyë naynyibayeˈeyën nëjkxëp dyajjaˈˈaty ja jotkujkˈäjtën, xeemyˈäjtën ets oyˈäjtën xëmëgyëjxmëbë’ (Isaías 32:17, TY).

 Mä yäˈädë tiempë, miyonkˈamë jäˈäy tˈëxpëktë Biiblyë parë tnijawëdë wiˈix ttsoktët ja jyëëky myëguˈuk ets twingutsëˈëgëdët.

•    Pën mˈaknijawëyaampy niˈigyë, käjpxë rebistë ¡Despertad! mëdiˈibë xëwˈäjtp “¿Tiene cura el prejuicio?”.

•    Pën mnijawëyaampy wiˈix mbäädë tääk teety ttukmëtmaytyäˈäktë yˈuˈunk yˈënäˈk yäˈädë jotmay, käjpxë yäˈädë artikulo “¿Cómo hablar con sus hijos sobre el racismo?”.