YAJTUNY TUˈUGË KAMPANYË
¿Wiˈix ja Diosë gyobiernë ttunäˈäny ja yuu päˈäm?
Tedros Adhanom Ghebreyesus, mëdiˈibë tuump direktoor general mä Organización Mundial de la Salud jyënany 22 äämbë mayë 2023: “COVID-19 kyaj tyamë jäˈäy tnekyˈixtë abëtsëmy nyaxwinyëdë extëm tuˈugë mëk päˈäm, per kyaj të nyaxy jeˈeyëmë jäˈäy pyäädëdë. […] Ko myinët ja tuˈugë mëk päˈäm, tsojkëp nnayjyëjpˈijxëm, pes seguurë myinäˈäny”.
May tyamë jäˈäy duˈunyëm tkuˈayowëdë ko të jyaˈˈatyë COVID-19. ¿Tëdaa gobiernëtëjk nyayjyëjpˈixëdë etsë organisasion mëdiˈibë tyuunkˈäjttëbë tsooy ko myinët jatuˈugë mëk päˈäm mëdiˈibë ninäjxp? ¿O mbäädëdaa tyam xypyudëjkëm mä ja yuu päˈäm mëdiˈibë nmëdäjtëm?
Biiblyë jyënaˈany ko ja “Dios mëdiˈibë tsäjpotm dyajnaxkëdäˈägäˈäny tuˈugë anaˈamën” o tuˈugë gobiernë mëdiˈibë xypyudëkëyäˈänëm parë niˈamukë oy mëk nyajpatëm (Daniel 2:44). Ko nety të tyëkë tuumbë yäˈädë gobiernë “nituˈugë jäˈäy mëdiˈibë jam tsëënëyäämp, kyajënäˈänäˈäny: ‘Pëjkëbëts’” (Isaías 33:24). Niˈamukë yˈoyˈatäˈän myëkˈatäˈändë ets tmëdatäˈändë jot mëjääw extëmë ënäˈktëjk (Job 33:25).