YAJTUNY TUˈUGË KAMPANYË
¿Wiˈix ja Diosë gyobiernë ttunäˈäny ja tsip?
Ko tyunyëtyë tsip yajwindëgoobyë it lugäär, yajkypyë jäj jëmuˈumën ets yaˈˈayoobyë jäˈäy. Okˈix nuˈunën yˈayoˈonmoˈoy:
Mä Instituto de Investigación para la Paz de Oslo, 7 äämbë junië 2023 ojts yajnigajpxy ko “ninäˈänëmë nety duˈunë jäˈäy kyaˈooktënëm mä tsip tyunyëty desde 1994 extëm mëdiˈibë tuunë tyukjëmëjtëp. Mä mas nimayë jäˈäy të yˈooktë jap Etiopía ets Ucrania”.
Yëˈë Proyecto de Datos de Localización etsë Eventos de Conflictos Armados [ACLED], të tnigajpxy 8 äämbë febreerë 2023: “Ja tsip mëdiˈibë tuunëp Ucrania, yëˈë mëdiˈibë mas të yˈamëktaˈaky mä jëmëjt 2022. Abëtsëmy nyaxwinyëdë mä taabë jëmëjt të nanduˈunë politikëtëjk tsyiptundë ets ja jäˈäy të tkuˈayowëdë naa 1,700 miyonk”.
Biiblyë yˈawäˈänëbë jotkujkˈäjtën. Jap jyënaˈany ko “Dios mëdiˈibë tsäjpotm dyajnaxkëdäˈägäˈäny tuˈugë gobiernë mëdiˈibë ninäˈä kyakutëgoyaˈany” (Daniel 2:44). Ko yäˈädë gobiernë tyëkët tuumbë, ta jyëjptëgoyaˈanyë “tsip abëtsëmy nyaxwinyëdë” (Salmos 46:9).