Jyobaa tyestiigëty jëmëjt jëmëjt tjamyatstë Jesusë yˈoˈkën xëëw abëtsëmy nyaxwinyëdë duˈun extëmë Jesus ojts tniˈanaˈamë (Luk. 22:19). Mä yajjamyetsyë Jesusë yˈoˈkën xëëw, jap yajnimaytyaˈaky tiko jyëjpˈamëty ko Jesus ojts xykyuˈoˈk xykyutëgoˈoyëm ets wiˈix ndukˈoyˈäjtëm duˈun tyam ets mä tiempë myiny kyëdaˈaky (Fwank 3:16).

 Oy të mˈotsy mä yajjamyetsyë Jesusë yˈoˈkën xëëw o kyaj, ¿ti mbäät xytyuny parë xytyukˈoyˈattët ko ojts xykyuˈoˈkëm? Jesus ojts tnigajpxy majtsk pëky.

1.  1. Nˈixyˈäjtëmë Dios etsë Jesus. Tëgok duˈunë Jesusë Tyeety tmënuˈkxtaky: “Esë tyäˈädë jikyˈäjtën winë xëë winë tiempë, jaˈa yëˈë ko jäˈäy mij, tiˈigyë Dios, mˈixyˈatëdë es xyˈaxäjëdëts ëj extëm ja Kristë es tmëbëktët ko mij xykyajxëts yä naxwiiny” (Fwank 17:3).

2.  2. Nguytyuˈunëm. Jesus ojts jyënaˈany ko tsojkëp nguytyuˈunëm mä njukyˈäjtënˈäjtëm tijaty yëˈë tukniˈˈijxë. Extëm ko tëgokë jäˈäy tmëtmaytyaktääy, ta tˈanmääytyë ko jantsy oy pënaty myëmëdoopy ja yˈëxpëjkën ets kyuytyuumpy (Luk. 6:46-48). Ets jatëgok nanduˈun tˈanmääy ja jäˈäyëty: “Pën mjaygyujkëdëbë tyäädë es pën mbaduundëp, mˈittëp agujk jotkujk” (Fwank 13:17).

 ¿Mˈaknijawëyaampy niˈigyë wiˈix yajnimaytyaˈagyë Dios mëdë Jesus? ¿Mnijawëyaampy wiˈix mbäät xykyuytyuny tijaty mˈëxpëjkypy? Tyää yajnigäjpxäˈäny tuk pëky majtsk pëky ti mbäät mbudëkëty.

 Extëmtsë jäˈäy nyaˈëxpëktë, të nimay pyudëkëdë parë tnijawëdët wiˈix tkuytyundët ja ëwij käjpxwijën mëdiˈibë yajpatp mä Biiblyë.

•   Tëkë mä jyënaˈany “Wiˈixëts mëdë jäˈäy nˈëxpëktë Biiblyë” parë niˈigyë xynyijawët wiˈixëts nyaˈëxpëktë.

•   Ixë bideo Wiˈix yaˈëxpëkyë Biiblyë parë xynyijawët wiˈixë Jyobaa tyestiigëty tyukniˈˈixëdë Biiblyë.

 Jyobaa tyestiigëty majtskˈok tyuˈukmuktë mä tuˈukpë sëmään. Kots duˈun tyuˈukmuktë, yëˈë yˈëxpëjktëbë Biiblyë ets wiˈix mbäät yajkuytyuny ja yˈëwij kyäjpxwijën.

 Mbäät nyëjkxy oy tyim pënëty, kyaj yëˈëyëty jeˈeyë pënaty Testiigë. Mbäät mnëjkxy mä jap yˈëxpëktë o mä bideokonferensyë.

•   Mä bideo ¿Ti yajtuump mä ja Tëjk mä yˈëxpëktë Jyobaa tyestiigëty? jap xynyijawëyaˈany wiˈixëts nˈëxpëktë.

•   Tëkë mä jyënaˈany “Tyuˈukmuktë Jyobaa tyestiigëty” parë xynyijawët mä wingon wyeˈemy.

 Mä yäˈädë pajina miimp kanäägë bideo etsë artikulo mëdiˈibë mbäät mbudëkëty parë xynyijawët tijatyë Jesus tukniˈˈijxë ets wiˈix ndukˈoyˈäjtëm ko ojts xykyuˈoˈkëm.

 Extëm nˈokpëjktakëm, pën mnijawëyaampy wiˈixën jeˈeyë tuˈugë jäˈäy ojts dyaˈˈawäˈätspëtsëmy miyonkˈamë jäˈäy, käjpx mä jyënaˈany “¿Wiˈixtsoowënë Jesus xyajnitsokëm?” ets “¿Tiko Jesus yˈayooy ets yˈoˈky?” o ixë bideo ¿Tiko yˈoˈkyë Jesus?