25:1-12

Ko Jesus tpëjtaky ja ijxpajtën mä nimäjkpë toˈoxyˈënäˈk, yëˈë nety myaytyäˈägaampy pënaty nëjkxandëp tsäjpotm, per nanduˈun ndukˈoyˈäjtëm niˈamukë Dios mëduumbë (w15 15/3 paj. 9-14). “Wijy mˈittët, mët ko kyaj xynyijawëdë ti xëë ti oorë nminäˈänyëts” (Mat. 25:13). ¿Mbäät xynyimaytyaˈaky ja ijxpajtën diˈibë Jesus pyëjtak?

• Ja noobyë, bersikulo 1: Jesus.

• Ja toˈoxyˈënäˈk diˈib kuwijy o diˈibë nety ijttëp listë, bersikulo 2: Pënaty nëjkxtëp tsäjpotm ijttëp listë parë ttundët ja tuunk diˈib të yajtuknipëktë ets jyäj tyëˈkxtë mä ja tiempë tyim jëjpkëxanë (Filip. 2:15).

• Ko jyënaˈany: “¡Ta myiny ja pëjkpë yetyëjk!”, bersikulo 6: Yëˈë ja ijxwëˈëmën ko Jesus myiny.

• Ja toˈoxyˈënäˈk diˈib tsuu, bersikulo 8: Pënaty nëjkxtëp tsäjpotm tjëjpäädëˈëktë ja noobyë yetyëjk, per kyaj nyayaˈitëdë wijy, ta tmastuˈuttë ja myëguˈuktëjk.

• Ja toˈoxyˈënäˈk diˈib kuwijy kyaj dyakandë ja yˈaseitë, bersikulo 9: Ko nety yajtsääytyaˈaytyë pënaty nëjkxtëp tsäjpotm, kyaj mbäät tnekypyudëkëdë ja myëguˈuktëjk diˈibë nety të tmastuˈuttë Dios.

• “Net jyajty ja pëjkpë yetyëjk”, bersikulo 10: Jesus myiny parë tpayoˈoyaˈanyë jäˈäy ets dyajkutëgoyaˈany ko nety jyëjpkëjxnë ja mëk ayoˈon.

• Ja toˈoxyˈënäˈk diˈib kuwijy jaˈa tëjkëdë mä ja pëjkpë yajnigay ets yˈadujky ja tëjkˈääw, bersikulo 10: Jesus dyajtuˈukmuky pënaty nëjkxandëp tsäjpotm diˈib kyaj të tmastuˈuttë Dios, per ja diˈib të tmastuˈuttë kyaj tnekyˈaxäjëdë ja kyumäˈäyën.