Yëˈë foyetë ¿Pënaty tyam tyuundëp ti Jyobaa tsyejpy?, të kyojy parë ngäjpxëm mëdë jäˈäy diˈib nyaˈëxpëjkëm, mbäät ko nety mëët nˈëxpëjktäˈäyëm o mä kyajnëm mëët nˈëxpëjkëm. * Mä ëxpëjkën 1 axtë 4 yëˈë nyimaytyakypy pënën Jyobaa tyestiigëty; mä ëxpëjkën 5 axtë 14 yëˈë yajmaytyakp tijaty nduˈunëm, ets mä ëxpëjkën 15 axtë 28 yëˈë nyimaytyakypy tijatyë Diosë kyäjpn tyuumpy. Pääty, oy ko nˈëxpëjkëmë tyäˈädë foyetë mëdë jäˈäy desde mä tsyondaˈaky axtë mä kyexy. Per näˈäty, mbäät kanääk ninäjxëm mët ko ja jäˈäy tëgatsy diˈib nyijawëyaampy. Mä tuk tuˈugë ëxpëjkën jeˈeyë tmëminy tuk pajina ets mbäät mëdë jäˈäy ngäjpxtäˈäyëm mëgoxk minutë o mäjk minutë.

• Nimaytyäˈäk ja titulo.

• Käjpxtë ja ëxpëjkën, desde mä tsyondaˈaky o tuˈuk tuˈugë parrafo.

• Nimaytyäˈäktë diˈib të xykyäjpxtë. Yajtëw diˈib miimp abatkëˈëy ets nimaytyäˈäk ja dibujë. Käjpxtë ets nimaytyäˈäktë ja tekstë diˈib jam miimp pën mˈijxypy ko mbäät. Tukˈix ko subtitulo diˈib miimp yëkaty, yëˈë yˈatsoowëmbijtypy ja yajtëˈëwën diˈib miimp mä titulo.

• Pën mä ja ëxpëjkën miimbë rekuäädrë “Parë niˈigyë xynyijawët”, käjpxtë ets anëëmë ja diˈib myaˈëxpëjkypy parë tpadunët.