Yëˈë foyetë Mëdow ko Dios mmëgajpxyëty, të kyojy parë jäˈäy diˈib tsiptakxëdëp lyetrëkäjpxtët, mbäät pyudëkëdë parë tnijawëdët ja tëyˈäjtën diˈib mä Biiblyë, pes myëmiimbyë dibujë. Tuˈuk tuˈugë ëxpëjkën majtsk pajina tmëminy, të yajxon yajwinˈixy ja dibujë ets naymyënëjkxëp tuˈuk tuˈuk.

Yëˈë foyetë Mëdow ko Dios mmëgajpxyëty ets mjukyˈatët winë xëë nanduˈun tmëminyë dibujë extëmë foyetë Mëdow ko Dios mmëgajpxyëty, jeˈeyë ko mas mayë letrë tmëminy. Tyäˈädë foyetë mbäät tˈëxpëktë pënaty kyaj nëgoo tjattë letrë. Nan yëˈë yajtuundëbë nmëguˈukˈäjtëm, oy ja diˈib yaˈëxpëjktëp tˈyajtundë foyetë Mëdow ko Dios mmëgajpxyëty. Ets mä näägë pajina myëmiimbyë rekuäädrë diˈib mbäät nˈaknimaytyakëm.

Tyäˈädë majtskpë foyetë mbäät xyˈawanë oytyim näˈäty, oyë nety yëˈë kyayaˈˈawanë mä tadë poˈo. Ko jäˈäy xyyaˈëxpëkët, yajtunë dibujë parë xynyimaytyäˈägët wiˈixë Biiblyë jyënaˈany. Yajtëw parë mëët mgäjpx mmaytyäˈägët ets parë xyˈixët pën jyaygyujkëp. Käjpx ets nimaytyäˈäk ja tekstë diˈib miimp abatkëˈëy. Ko xyyajkëxtët tyäˈädë foyetë, ta xyˈëxpëjktsondäˈäktëdë liibrë ¿Ti tëyˈäjtën jantsy tukniˈˈijxëbë Biiblyë? parë xypyudëkët ja diˈib myaˈëxpëjkypy ets nyëbatët.