TIKO JYËJPˈAMËTY. Tsojkëp nigäjpx nimaytyakëm ja tëyˈäjtën mä tijatyë Dios tyuknibëjtakëp, extëm ttuunyë Jesus (Fwank 18:37). Oy njukyˈäjtëm mä jäˈäy jeˈeyë wyinˈëëndë ets kyaj ttundë tëyˈäjtën, tsojkëp ndukxondakëm ko yajtuny ja tëyˈäjtën, nnigäjpxëm diˈib tëyˈäjtën ets nwinmäˈäyëm diˈib tëyˈäjtën (1 Kor. 13:6; Filip. 4:8).

WIˈIX MBÄÄT YAJTUNY

• Ko kyaj npiˈtsˈëˈëw nbiˈtskäjpxëm o ko kyaj nmëdoowˈijtëm ja piˈtskajpxy (1 Tes. 4:11).

• Ko kyaj ndukxondakëm ko pën yˈayoˈonbääty.

• Ko nwinmäˈäyëm diˈibë oy ets diˈibë mbäät pyudëkëtyë wiinkpë.

KO NETY TË YAˈIJXTÄˈÄYË BIDEO NˈOKˈOYJYAˈAYTYAKËM MËDË WIINKPË: JA TSOJKËN KYAJ TTUKXONDAˈAKY KO KYAYAJTUNYË TËYˈÄJTËN, YËˈËYË TYUKXONDAKYPY JA TËYˈÄJTËN, TA YAˈˈATSOOWËMBITËDË TYÄˈÄDË YAJTËˈËWËN:

• ¿Tiko mbäät mjënäˈäny ko Lisi tyukxondakypyë nety ko wiinkpë axëëk jyattë?

• ¿Ti tyuunë Alicia parë dyajtëgäjtsy ja maytyaˈaky ets yëˈë tnimaytyaktë diˈib mbäät pyudëkëdë?

• ¿Tijaty mbäät nimaytyakëm diˈib mbäät xypyudëjkëm?