Kyaj wiˈixëty ko näˈäty nnayjyäˈäwëm mon tuk, pes axtë Jyobaa tuktëjkëp näˈätyë moˈon tujkën. Ko tuˈugë jäˈäy duˈun nyayjyawëty, kyaj yëˈë tˈandijy ko kyaj tnekymyëdatyë mëbëjkën (Gén. 6:​5, 6). Per ¿ti mbäät nduˈunëm pën jeˈeyë xëmë nmoˈon ndujkënë?

Amdowë Jyobaa naybyudëkë. Yëˈë myëmaapy myëdajpy wiˈix nnayjyäˈäwëm, nyijäˈäwëp yajxon pën jotkujk nyajpatëm o mon tuk. Nyijäˈäwëp nanduˈun tiko duˈun nwinmäˈäyëm ets tiko duˈun nnayjyäˈäwëm (Sal. 7:9b). Jyobaa mbäät xypyudëjkëm ko nnayjyäˈäwëm mëk mon mëk tuk, pes xymyëmäˈäy xymyëdäjëm (Sal. 34:18).

Kuentëˈat ja mjot mwinmäˈäny. Ko mëk mon mëk tuk nnayjyäˈäwëm kyaj jeˈeyë xypyëjkëm ja jotkujkˈäjtën, mbäät nanduˈun xytyukmëjagamgakëmë Jyobaa. Päätyën jyëjpˈamëty nguentëˈäjtëm ja jot korasoon, jaˈa njënäˈänëm, tijaty nwinmäˈäyëm ets tijaty njäˈäwëm (Prov. 4:23).

KO NETY TË YAˈIJXTÄˈÄYË BIDEO AGUJK JOTKUJK JA NMËGUˈUKˈÄJTËM YAJPÄÄTTË OY TMËDATTË DEPRESION PÄˈÄM, TA YAˈˈATSOOWËMBITËT MËDIˈIBË YÄÄ YAJTËËPY:

• ¿Tijaty tyuunë Nikki parë kyaj nyekynyayjyäˈäwë mëk mon mëk tuk?

  Wiˈix mˈatsoowembitäˈäny

• ¿Wiˈix tpëjkyë kuentë ko tsojkëbë nety nyëjkxët mä tuˈugë doktoor? (Mat. 9:12).

  Wiˈix mˈatsoowembitäˈäny

• ¿Ti Nikki tyuun parë ttukˈijxpejtyë Jyobaa?

  Wiˈix mˈatsoowembitäˈäny