May tyamë jäˈäy tëgatsy tˈixtë pënaty myëdäjttëbë kutujkën. ¿Tiko? Yëˈko mayë jäˈäy jeˈeyë dyajtundë ja kyutujkën parë këˈëm ttukˈoyˈattë. Nuˈun kujkë xëëw tiempë pyety kyuˈty duˈunën yaˈixy (Miq. 7:3). ¡Per mä Diosë kyäjpn kyaj dyuˈunëty! Pes të yajtukniˈˈixëdë ja mëjjäˈäytyëjk ko ja kyutujkën ja mbäät dyajtundë parë tˈijxˈit tkuentëˈattët ja myëguˈuktëjk (Est. 10:3; Mat. 20:​25, 26).

Yëˈë mëjjäˈäytyëjk kyaj duˈun dyajtundë ja kyutujkën extëmë naxwinyëdë jäˈäy mëdiˈibë këˈëm naymyëmääy naymyëdäjëdëp. Pes tyundë mët ko ttsoktë Jyobaa etsë myëguˈuktëjk (Fwank 21:16; 1 Peed. 5:​1-3). Yëˈë nanduˈun myëmëdoowdëp extëm nyëˈëmoˈoy tyuˈumoˈoyëdë Jesus ets pyudëjkëdëbë myëguˈuktëjk parë agujk jotkujk tmëdundëdë Jyobaa ets niˈigyë tmëwingondët. Listë yajpäättë parë tmëjääwmoˈoyäˈändë. Ets ko ti yˈayoˈonbëjktaˈaky o ko ajotkumonë pën yajmënëjkxy mä doktoor, pyudëjkëdëp ja myëguˈuktëjk. Pën myajtëgoyˈajtypyë naybyudëkë tukmëtmaytyäˈäk netyë ja mëjjäˈäytyëjk (Sant. 5:14).

KO NETY TË YAˈIJXTÄˈÄYË BIDEO MËJJÄˈÄYTYËJK MËDIˈIBË YˈIJXˈIJT KYUENTËˈÄJTTËP JA MYËGUˈUKTËJK, TA YAˈˈATSOOWËMBITËT MËDIˈIBË YÄÄ YAJTËËPY:

• ¿Wiˈixë Mariana pyudëjkë ko ja mëjjäˈäytyëjk ojts kyuˈixëdë?

  Wiˈix mˈatsoowembitäˈäny

• ¿Wiˈixë Elías pyudëjkë ko ja mëjjäˈäytyëjk ojts kyuˈixëdë?

  Wiˈix mˈatsoowembitäˈäny

• Extëm yam të nˈijxëmë bideo, ¿wiˈix xyˈixy ja tuunk mëdiˈibë tyuundëbë mëjjäˈäytyëjk?

  Wiˈix mˈatsoowembitäˈäny