¿Waˈan näˈä jyëjptëgoyëdë ayoˈon?
¿Mjënäˈänëp ko...
-
... jëjptëgoyäämp?
-
... kyaj?
-
... waˈandaa?
BIIBLYË JYËNAˈANY
“Dios yajtëtsxëdët tëgekyë ja wyinnëë. Kyaj yˈokˈijnët ja oˈkën, jëˈëy yaxën o ja pëjk adoˈonën, jaˈa ko tëgekyë diˈibë të yˈity, të jaˈa nyaxy kyexy.” (Diˈibʉ Jatanʉp [Apocalipsis] 21:4, Ja Jembyʉ Kajxyˈátypyʉ.)
¿WIˈIX NDUKˈOYˈÄJTËM KO NNIJÄˈÄWËM?
Nnijawëyäˈänëm ko Dios kyaj yëˈë dyajjaˈˈatyë amay jotmay (Santiago 1:13, Traducción del Nuevo Mundo [TNM]).
Xyjotkujkmoˈoyäˈänëm ko nnijäˈäwëm ko Dios jyaygyujkëp ja jäj jëmuˈumën diˈib nyajnäjxëm (Zacarías 2:8).
Njëjpˈixäˈänëm mä kyaj nyekyjaˈˈatäˈäny ti xyaˈˈayoˈojëm (Salmo 37:9-11).
¿MBÄÄT NMËBËJKËM WIˈIXË BIIBLYË JYËNAˈANY?
Mbäät, min nˈokˈijxëm majtsk pëky:
-
Dios yˈaxëkˈijxypyë naytyëytyunë etsë ayoˈon. ¿Wiˈixë Jyobaa nyayjäˈäwë ko ja kyäjpn ojts yajtuny axëëk? Biiblyë jyënaˈany ko mëk tjäˈäwë ko ja wiink nax wiink käjpn “tyuunëdë axëëk” (Jueces 2:18, TNM).
Dios kyaj tˈoyˈixyë jäˈäy diˈib yaˈˈayoobyë myëguˈuk. Biiblyë jyënaˈany ko yˈaxëkˈijxypyë “ää këˈë diˈib yajpëyeˈkypyë nyëë nyeˈpynyë jäˈäy diˈib nitii të tkatuundëgoy” (Proverbios 6:16, 17).
-
Dios naytyukjotmaytyuunëp niduˈuk niduˈugë jäˈäy. Mbäät mwinmay ko kyaj pën tnijawë ja pëjk adoˈonën ets ja mäˈäy täjën diˈib myajnäjxypy, per kyaj dyuˈunëty, Jyobaa nan pyëjkypyë kuentë (1 Peedrʉ 5:7).
Diosë yˈAnaˈamën tim tsojk dyajjëjptëgoyaˈany tukëˈëyë ayoˈon diˈib yajnäjxypy tuˈuk tuˈugë jäˈäy (Matewʉ 6:9, 10). Per mientrës jyaˈtyë tyäˈädë tiempë, Dios jyotkujkmoopy pënaty ëxtääyëdëp amumduˈukjot (Apostʉlʉty 17:27; 2 Korintʉ 1:3, 4).
NAYAJTËWËDË
¿Tiko Dios tnasˈixë ets nˈayoˈojëm?
Jap xynyijawët wiˈixë Biiblyë tˈatsoojëmbity mä ROMANɄS 5:12 etsë 2 PEEDRɄ 3:9.