Pudëkë parë këˈëm nyayˈixëdët wiˈix yaˈixy yajpääty. Yajtëw tijaty diˈib këˈëm yajwinmayëdëp parë tpëktëdë kuentë ti myëdäjttëp mä jyot kyorasoon.

Yajnayjyawëdë ko yëˈë tyunandëp diˈib oy. Yajwinmaytyë tiko tijaty ttundë. Pudëkëdë parë tˈixtët ko pääty tijaty ttundë mët ko ttsoktë Jyobaa, ttsoktë jäˈäy ets tijatyë Biiblyë tukniˈˈijxëp. Yajwinmay pënaty mëtmaytyakypy, kyaj jeˈeyë xyjantsy tyuknipiwëdë ayuk. Ets ko mmaytyaktäˈäyët, en lugäär xyyajnayjyawëdët ko kyaj ti oy ttundë, niˈigyë ja yˈääw jyot nëjkx jyënäˈändë ko tyunandëp diˈib oy.

Pudëkë parë wyinmaytyët ko Jyobaa duˈun jënäämp. Tukˈixtë ko Biiblyë kyäjpxwijën ets tijaty tukˈanaˈamp, yëˈë xytyukˈijxëm wiˈixë Dios jyaˈayˈaty ets ko xytsyojkëm. Pudëkëdë parë tˈixtët wiˈix nyayjyawëtyë Jyobaa ets parë yˈääw jyot jyënäˈändët ko myëmëdowandëp.