Yajtsoonë informasion mä diˈib tëyˈäjtën maytyakp. Tukäjpxpatë Biiblyë ets nan mbäät jap nidëyë xykyajpxy. Pën mnigajpxypy diˈibë ëxpëkyjyaˈay yˈëxpëjkpëtsëëmdëp, tuˈugë notisyë, eksperiensyë o oytyim diˈibëtyë informasion, payoˈoy jawyiin pën tëyˈäjtën ets pën yëˈë diˈib näämnëm.

Yajtun yajxonë informasion. Ko xynyimaytyäˈägët tuˈugë tekstë, ix ti myaytyakypy mä tkatukjäˈtynyëm diˈib mgäjpxaampy, ti diˈib jëjpˈam myaytyakypy ets nan yajtunë ëxpëjkpajn diˈib yajpëtsëëmbyë tuumbë diˈib kuwijy (Mat. 24:45). Ets pën wiinktsoo të xyyajtsoony ja informasion, duˈunën meerë xynyigäjpxët extëm jap myiny.

Yajwinmay ja diˈib mëtmaytyakypy. Ko xykyäjpxtäˈäyët tuˈugë tekstë o ja informasion diˈib wiinktsoo të xyyajtsoony, yajtëw tijaty o pëjtäˈäk tuˈugë ijxpajtën parë jäˈäy këˈëm tjaygyukët diˈib jam mnimaytyakypy.