Niduˈuk niduˈuk të nmëyujëm wiˈix nnaywyit nnayxyojxëm ets nnayˈoytyuˈunëm. Ets pën nbanëjkxëm tuˈuk majtsk ja käjpxwijën mëdiˈibë Biiblyë yajkypy, mbäät duˈunyëm nnaywyit nnayxyojxëm extëm ntsojkënyëˈäjtëm ets extëm nanduˈun tˈoyˈixëdë Jyobaa. Min nˈoknimaytyakëm tuˈuk majtskë yäˈädë käjpxwijën.

1. ¿Mëdiˈibë Biiblyë kyäjpxwijën mbäät xypyudëjkëm parë nnijäˈäwëm wiˈix nnaywyit nnayxyojxëm?

Diosmëduumbë tsojkëp “nyayxyoxëdët wintsëˈkën myëët, ets nyayˈoytyunëdët extëm pyaatyëty ets extëm nyigëxëˈëgët ko tapë jyot wyinmäˈäny”. Oy ko nanduˈun wäˈäts nyayaˈitëdët ets yaˈixët “ko Diosmëduundëp” (1 Timoteo 2:9, 10, TNM). Min nˈokˈijxëm taxk pëky ti yäˈädë tekstë myaytyäˈägaampy. 1) Tsojkëp nnayxyojxëm “wintsëˈkën myëët”. Mä Diosë kyäjpn wiˈixëm ja nmëguˈukˈäjtëm nyaywyit nyayxyoxëdë, per extëm nnaywyit nnayxyojxëm ets nnayˈoytyuˈunëm, tsojkëp nyaˈijxëm ko nwingutsëˈkëm ja Dios mëdiˈibë nˈawdäjtëm. 2) Nnaywyit nnayxyojxëm “extëm pyaatyëty”, yëˈë yˈandijpy ko kyaj nduktëjkëmë wit mëdiˈibë jäˈäy yajmiinëbë axëëkpë jyot wyinmäˈäny o kyaj nnayxyojxëm tëgatsy mä ak ëtsäjtëmë jäˈäy xyˈijxënë. 3) Nyaˈijxëmë nety ko “tapë jot wyinmäˈäny” ko kyaj nduktëjkëm oy nyaa mëdiˈibëtyë wit mëdiˈibë jemybyëtsëëmp. 4) Extëm nnaywyit nnayxyojxëm, xëmë mbäät dyajnigëxëˈëky ko njantsy myëduˈunëmë Dios, duˈunë jäˈäy tpëktëdë kuentë ko yëˈë njantsy myëduˈunëm ja Diosë tëyˈäjtënbë (1 Corintios 10:31, TNM).

2. ¿Wiˈix wyinmayäˈändë nmëguˈukˈäjtëm ko xyˈijxëm extëm të nnayxyojxëm?

Mbäät nnaywyit nnayxyojxëm extëm ntsojkënyëˈäjtëm, per oy ko nwinmäˈäyëm pën kyaj ja nmëguˈukˈäjtëm tëgatsy wyinmayäˈändë. Pääty, nduˈunëmë mëjääw parë kyaj pën axëëk nyajnayjyäˈäwëm. Yëˈë nbanëjkxäˈänëmë yäˈädë käjpxwijën: “Niduˈuk niduˈuk xypyatëm es [nyajjotkujkˈäjtëm] ja nmëmëbëjkpëˈäjtëm es dëˈën nyajmëjwiin nyajkajaajëm ja myëbëjkën” (käjpxë Romanʉs 15:1, 2).

3. Ko jäˈäy tˈixët wiˈix nnaywyit nnayxyojxëm, ¿wiˈix mbäät pyudëkëty parë tˈixyˈatëdë Jyobaa?

Xëmë tsyokyëty nwinˈijxëm ja wit mëdiˈibë nbëjktäˈägäˈänëm. Per ko nëjkxëm reunyonk ets käjpxwäˈkxpë, ja mä mbäät niˈigyë nwinˈijxëm ti wit nduktëkëyäˈänëm. Pes ntsojkëm ets ja jäˈäy tmëjpëjktäˈägët ja oybyë ayuk mëdiˈibë ndukninëjkxëm ets kyaj tëgatsy wyinmayët ko xyˈijxëm. Mbäät nanduˈun tnijawëyäˈänët ja tëyˈäjtën ko tˈixët wiˈix të nnayxyojxëm ets ko ‘oy yëˈë ixpëjkën mëdiˈibë Dios yajnitsokpë jyaˈäjtypyën’ (Tito 2:10, TY).

 AK NIJAWË NIˈIGYË

4. Ko oy ngëxëˈkëm, nyaˈijxëmë nety ko nwingutsëˈkëmë Jyobaa

¿Tiko yˈoyëty nmëjpëjktakëm wiˈix nnaywyit nnayxyojxëm ets nnayˈoytyuˈunëm? Käjpxtë Salmo 47:2 ets nimaytyäˈäktë mëdiˈibë yä yajtëëpy:

• Kom yëˈë nmëduˈunëmë Jyobaa, ¿wiˈix mbäät nnaywyit nnayxyojxëm?

• Wiˈix mˈokwinmay, ¿jëjpˈamëdaa xywyinˈixët mëdiˈibë wit mduktëkëyaampy parë mnëjkxët reunyonk ets käjpxwäˈkxpë? ¿Tiko duˈun mwinmay?

 5. ¿Ti mbudëkëyanëp parë xywyinˈixët ja mwit ets wiˈix mnayˈoytyunäˈänyëty?

Ixtë BIDEO.

Kyaj mbäät yëˈë nˈijxëm pën ja nwitˈäjtëm tsooxë o kujënaky. Mëdiˈibën jëjpˈam, yëˈë ko kyëxëˈëgët wäˈäts ets tsuj yajxon. Käjpxtë 1 Korintʉ 10:24 ets 1 Timoteo 2:9, 10, TNM. Ta net xynyimaytyäˈäktët tiko kyaj nduktëkëyäˈänëmë wit mëdiˈibë...

• ... oywiˈix xyajkëxëˈkëm ets kyaj wyäˈätsëty.

• ... xuˈuts, tukjäjnäjxp ets mëdiˈibë mbäädë jäˈäy dyajmiinë axëëkpë jyot wyinmäˈäny.

Tyam kyaj nˈokmëmëdoˈowënë ja Ley mëdiˈibë Moisés yajmooy, per duˈunyëm xytyukniˈˈijxëm wiˈixë Jyobaa wyinmay. Käjpxtë Deuteronomio 22:5 ets nimaytyäˈäktë mëdiˈibë yä yajtëëpy:

• ¿Tiko kyaj yˈoyëty ko tuˈugë toxytyëjk nyaywyit nyayxyoxëdët o nyayˈoytyunëdët extëmë yetyëjk o tuˈugë yetyëjk extëmë toxytyëjk?

Käjpxtë 1 Korintʉ 10:32, 33 etsë 1 Fwank 2:15, 16, ets nimaytyäˈäktë mëdiˈibë yä yajtëëpy:

• Pën extëm nnaywyit nnayxyojxëm o nnayˈoytyuˈunëm wiingë jäˈäy tˈixy ets ja nmëguˈukˈäjtëm, ¿oyëdaa ko nmëjpëjktakëm? ¿Ets tiko?

• ¿Wiˈixë jäˈäy nyaywyit nyayxyoxëdë ets nyayˈoytyunëdë mä mtsëënë?

• ¿Ets oyëdaa ko tuˈugë Diosmëduumbë nanduˈun nyaywyit nyayxyoxëdët? ¿Tiko duˈun mwinmay?

 TI TË NJÄJTËM

Ko yajxon nnaywyit nnayxyojxëm, ta nyaˈijxëm ko nwintsëˈkëmë Jyobaa etsë wiink jäˈäy.

Ajamyatsë

• ¿Tiko Jyobaa ttsoky ets yajxon nnaywyit nnayxyojxëm?

• ¿Mëdiˈibë Biiblyë kyäjpxwijënë mbäät xypyudëjkëm parë yajxon nnaywyit nnayxyojxëm?

• Extëm nnaywyit nnayxyojxëm, ¿wiˈixë jäˈäy wyinmayaˈany mä ja Dios mëdiˈibë nmëduˈunëm?