LEKSION 55
Yak ja naybyudëkë mä mduˈukmuky
Abëtsëmy nyaxwinyëdë, miyonkˈamë Diosmëduumbë agujk jotkujk nyayjyawëdë ko tmëdundë Jyobaa mëdë myëguˈuktëjk mäjaty tyuˈukmuktë. Mëjwiin kajaa tmëjjawëdë ja ëxpëjkën mëdiˈibë yˈaxäjëdëp ets ko yajnëˈëmoˈoy yajtuˈumoˈoytyë, pääty dyaktë naybyudëkë xondaˈakyˈääw xondaˈakyjyot mäjaty tyuˈukmuktë. ¿Nanduˈun mijts mnayjyawëty mä mduˈukmuky?
1. Mä mduˈukmuky, ¿wiˈix mbäät xyyoxy ja mdiempë ets ja mjot mmëjääw?
Mbäät niˈamukë nbudëjkëm ja nmëguˈukˈäjtëm. Extëm mä mijts mduˈukmuky, ¿japë nmëguˈukˈäjtëm mëdiˈibë pëjk ijxëp o mëdiˈibë të myëjjäˈäy myëˈˈënäˈkënë? ¿Mbäät xynyinaxy ets xymyënëjkxët reunyonk? ¿O mbäät jam wiˈixtsoow xypyudëkë, extëm nëjkx xyjyuuy xykyëbajtë tijaty o jam ti xytyukpudëkët mä jyëën tyëjk? (Käjpxë Santya̱ˈa̱gʉ 1:27). Mbäät nanduˈun nnayˈawäˈänëm parë nyajwatsëm ja jëën tëjk mä nˈëxpëjkëm o pën japë tuunk yˈitäˈäny. Nipën xykyatukˈaguanëˈäjtëm ko duˈun nyäjkëm ja naybyudëkë; xondaˈakyˈääw xondaˈakyjyotën nduˈunëm mët ko ntsojkëmë Dios ets ja nmëguˈukˈäjtëm (Salmo 110:3).
Pënaty të nyëbajnëdë, mbäät nanduˈun wiˈixëm dyaktë naybyudëkë mä tyuˈukmuktë. Extëm nˈokpëjktakëmë yetyëjk jäˈäy, mbäädë wyinmäˈäny tpëjktäˈäktë parë tyundët mëjjäˈäy o pyudëjkëbë mëjjäˈäy. Yetyëjk toxytyëjk mbäät nanduˈun tyundë prekursoor parë niˈigyë yˈëwäˈkx kyäjpxwäˈkxtët. Ta nanduˈun näägë nmëguˈukˈäjtëm mëdiˈibë nayˈawäˈänëdëp parë nyëjkxtë jëngoj tëjkojpë, ets ta mëdiˈibë nëjkxtëp wiink it wiink lugäär mä tyëgoyˈatyë naybyudëkë.
2. Mä nduˈukmujkëm, ¿wiˈix mbäät nˈayäjk nˈagoˈonëm o nyäjkëm tijaty nmëdäjtëm?
Biiblyë jyënaˈany: “Wintsëˈëgë Jyobaa mët tijaty mmëdäjtypy” (Proverbios 3:9). Agujk jotkujk nnayjyäˈäwëm ko mbäät nyäjkëmë meeny sentääbë ets tijaty nmëdäjtëm mä nduˈukmujkëm parë tyuˈuyeˈeyˈadëˈëtsët ja Diosë tyuunk abëtsëmy nyaxwinyëdë (käjpxë 2 Korintʉ 9:7). Ja meeny sentääbë mëdiˈibë nyäjkëm yëˈë nanduˈun yajtukpudëjkëdëp ja nmëguˈukˈäjtëm ko tijaty yˈayoˈonbëjktaˈaky. Mayë nmëguˈukˈäjtëm kyonëˈktëp ja myeeny syentääbë mëdiˈibë yakandëp (käjpxë 1 Korintʉ 16:2). Mbäät jap nˈagoˈonëm mä ja käjuˈunk ko nëjkxëm reunyonk ets mbäät nanduˈun ngajxëm mä pajina donate.pr418.com. Jyobaa kyaj ti dyajtëgoyˈaty, per nyasˈijxëp ets nmoˈoyëm tijaty nmëdäjtëm parë ndukˈijxëm ko ntsojkëm.
AK NIJAWË NIˈIGYË
Min nˈaknijäˈäwëm wiˈix mbäät nˈayäjk nˈagoˈonëm mä nduˈukmujkëm.
3. Mbäät xyaky tijaty mmëdäjtypy
Jyobaa mëdë Jesus tsyojktëp pënaty yäjktëp tijaty myëdäjttëp xondaˈakyˈääw xondaˈakyjyot. Extëm nˈokpëjktakëm, tëgokë Jesus myëjkumääy tuˈugë kuˈookytyoxytyëjk ko yˈayäjk yˈagoˈonë oy yiˈinëm waanë. Käjpxtë Lukʉs 21:1-4 ets nimaytyäˈäktë mëdiˈibë yä yajtëëpy:
-
¿Kajaadaa tyim tsokyëty nyäjkëmë meeny sentääbë parë Jyobaa jotkujk nyayjyawëdët?
-
¿Wiˈix nyayjyawëdë Jyobaa mëdë Jesus ko nyäjkëm winë ääw winë jot?
Parë xynyijawët wiˈixë meeny sentääbë tyuny mëdiˈibë nnayäjkëm, ixtë BIDEO. Ta net xynyimaytyäˈäktët mëdiˈibë yä yajtëëpy:
-
¿Wiˈixë Diosë kyäjpn dyajtuny ja meeny sentääbë mëdiˈibë nyäjkëm?
4. Nayˈawanëdë parë xyakëdë naybyudëkë
Pënaty tëëyëp Diosmëduundë, xondaˈakyˈääw xondaˈakyjyot ojts nyëjkxtë tuumbë mä ja Diosë jyëën tyëjk ets kyaj jeˈeyë dyäjktë ja meeny sentääbë. Käjpxtë 2 Crónicas 34:9-11 ets nimaytyäˈäktë mëdiˈibë yä yajtëëpy:
-
¿Ti tyuundë niˈamukë ja israelitë parë tkuentëˈäjttë “ja Diosë tyëjk” mä nety yaˈˈawdaty?
Parë xynyijawët wiˈixë Jyobaa tyestiigëty tpanëjkxtë yäˈädë ijxpajtën, ixtë BIDEO. Ta net xynyimaytyäˈäktët mëdiˈibë yä yajtëëpy:
-
¿Tiko jyëjpˈamëty nyaˈijtëm wäˈäts ja jëën tëjk mä nˈëxpëjkëm ets tsuj yajxon?
-
¿Wiˈix mbäät xyaky ja naybyudëkë?
5. Yetyëjk jäˈäyëty mbäädë wyinmäˈäny tpëjktäˈäktë parë niˈigyë tnikëjxmˈattëdë tuunk
Biiblyë yˈanmaabyë yetyëjkëty ets tpëjktäˈäktëdë wyinmäˈäny parë niˈigyë wyinbattët ets tnikëjxmˈattët ja tuunk mä Diosë kyäjpn. Parë nˈixyˈäjtëm tuˈugë nmëguˈukˈäjtëm mëdiˈibë duˈun tyuun, ixtë BIDEO. Ta net xynyimaytyäˈäktët mëdiˈibë yä yajtëëpy:
-
Extëm të xyˈixy mä bideo, ¿tijaty të ttunyë Ryan parë niˈigyë dyakyë naybyudëkë mä Diosë kyäjpn?
Biiblyë nyigajpxypy tijaty mbäät ttundë yetyëjkëty mëdiˈibë tunandëp mëjjäˈäy o pyudëjkëbë mëjjäˈäy. Käjpxtë 1 Timotee 3:1-13 ets nimaytyäˈäktë mëdiˈibë yä yajtëëpy:
-
¿Pënaty mbäät tyundë mëjjäˈäy o pyudëjkëbë mëjjäˈäy?
-
¿Ti tsojkëp ttundët ja yˈuˈunk yˈënäˈk ets ja kyujëën kyudëjk? (Ixtë bersikulo 4 etsë 11).
-
Pën ja yetyëjk jäˈäyëty jukyˈäjttëp extëm jyënaˈanyë yäˈädë tekstë, ¿wiˈix ttukˈoyˈatäˈändë ja myëguˈuktëjk mëdiˈibë mëët tyuˈukmuktë?
MBÄÄT NÄÄGË JÄˈÄY MYAJTËYËTY: “¿Mä tpëktë meeny sentääbë Jyobaa tyestiigëty mëdiˈibë yajtuundëp mä ryelijyonk?”.
-
¿Wiˈix xyˈatsowët?
TI TË NJÄJTËM
Jyobaa yajtsobatypy mëjwiin kajaa ko nbudëjkëm ja nyax kyäjpn mëdë meeny sentääbë ets ko nˈyojxëm ja xëëw tiempë ets ja jot mëjääw.
Ajamyatsë
-
Mä mduˈukmuky, ¿wiˈix mbäät xyyoxy ja mxëëw mdiempë ets ja mjot mmëjääw?
-
Mä mduˈukmuky, ¿wiˈix mbäät jap mˈayak mˈagonë o xyaky tijaty nmëdäjtypy?
-
¿Wixaty mijts xypyudëkëyaˈany ja Diosë kyäjpn?
AK PAYEˈEY
Nijawë tiko Dios kyaj xynekyˈamdoˈowëmë diesmë.
“¿Wiˈixë Biiblyë tmaytyaˈaky ko jäˈäy dyakyë diesmë?” (Myiny mä jw.org)
Biiblyë nyigajpxypy tijaty mbäät tnikëjxmˈattë ja yetyëjkëty mëdiˈibë të nyëbajnëdë. Per ko yëˈë ja toxytyëjk ttunët mëdiˈibë patëp ja yetyëjk, ¿ti mbäät ttuny?
“Ja kutujkën diˈib myëdäjttëbë mëjjaˈaytyëjk mä nduˈukmujkëm” (Diˈib Xytyukˈawäˈänëm, febreerë 2021)
Ixyˈat näägë Testiigë mëdiˈibë tyukninëjkxtëbë myëguˈuktëjk ja ëxpëjkpajn oy dyajnimëjääwdäˈäktë.
Nijawë ko kyaj duˈun myuky ja meeny sentääbë extëm dyajmuktë wiink relijyonk.
“¿Mä tpëktë meeny sentääbë Jyobaa tyestiigëty diˈib yajtuundëp mä ryelijyonk?” (Myiny mä jw.org)
You May Also Like
DIˈIB XËMË NAYAJTËËWËDËP
¿Wiˈixë Jyobaa tyestiigëty dyaˈëxpëktë jäˈäy?
Ko mˈëxpëkët mëdë Jyobaa tyestiigëty namayˈäjtën, mbäät xyajtunyë Biiblyë mëdiˈibë mdimytsyojkënyëˈajtypy. Mbäät nanduˈun xywyoy pënaty mdimywyowaampy, duˈunë mfamilyë o mëtnaymyaayëbë.
