LEKSION 59
Mmëduunˈadëˈëtsë Dios oy myajtukmëtsipˈatët
Seguurë ko niˈamukë Diosmëduumbë yaˈˈaxëkˈixäˈändë o axtë yajpajëditäˈändë. ¿Mbäädëdaa ntsëˈkëm?
1. ¿Tiko Diosmëduumbëty tˈëwxit tjëjpˈixtë etsë jäˈäy yˈaxëkˈixëdët?
Biiblyë yajxon xyˈanmäˈäyëm: “Nidëgekyë diˈibaty jikyˈatandëp wäˈäts mä Jesukristë, yajpajëditandëp yëˈë” (2 Timotee 3:12). Jesus yajpajëdijt mët ko kyaj ttuktëjk ttukwäˈkë tijatyë naxwinyëdë jäˈäy tyuundëp. Ets kom ëtsäjtëm kyaj nanduˈun nduktëjk ndukwäˈkëm, pääty nˈëwxijt njëjpˈijxëm etsë gobiernëtëjk xynyibëdëˈkëm ets nanduˈunë relijyonk (Fwank 15:18, 19).
2. ¿Wiˈix mbäät nnayjyëjpˈijxëm ko nyajnibëdëˈkëm?
Tsojkëp tyam nyajkëktëjkëmë mëbëjkënë mä Jyobaa. ¿Wiˈix? Ko njuˈtëmë tiempë tuˈuk tuˈugë xëëw parë nmënuˈkxtakëm, ngäjpxëmë Biiblyë ets ko kyaj ndëgoyˈäjtëmë reunyonk. Ko duˈun nduˈunëm, yëˈë xypyudëkëyäˈänëm parë nwinguwäˈkëm amëk jotmëk ko nyajtukmëtsipˈäjtëm ja Diosë tyuunk, axtë pën yëˈë xytyukmëtsipˈäjtëm ja familyë. Apostëlë Pablo, mëdiˈibë nanduˈun yaˈˈaxëkˈijx ets yajpajëdijt, jyënany: “Yëˈë Nintsënˈäjtëm [Jyobaa] Dios yëˈëts xypyudëjkëp. Kyajts ntsëˈëgët kots pën wiˈix xytyunäˈänët” (Ebreeʉsʉty 13:6).
Ja tuk pëky mëdiˈibë nanduˈun mbäät xyajjotmëktakëm, yëˈë ko xëmë nëjkxëm ëwäˈkx käjpxwäˈkxpë. Xypyudëkëyäˈänëm parë niˈigyë ndukˈijxpajtëmë Jyobaa ets kyaj ntsëˈkëmë naxwinyëdë jäˈäy (Proverbios 29:25). Pën tyam xëmë mnëjkxy ëwäˈkx käjpxwäˈkxpë, ta niˈigyë mjotmëktäˈägäˈäny ets kyaj nëjkx mtsëˈëk mjawë ko gobiernëtëjk dyajkuboktëdë Diosë tyuunk (1 Tesalónikʉ 2:2).
3. Ko nyajnibëdëˈkëm, ¿wiˈix ndukˈoyˈatäˈänëm ko nmadakëm?
Ninuˈun ngaˈoyjyäˈäwëm ko nyajmëtsipˈäjtëm, per ko nmëmadakëm, ta niˈigyë ja nmëbëjkënyëˈäjtëm kyëktëkë. Niˈigyë nanduˈun nmëwingoˈonëmë Jyobaa ko yajxon nˈijxëm wiˈix xypyudëjkëm mä kyaj nˈokmadäˈägäˈänënë (käjpxë Santya̱ˈa̱gʉ 1:2-4). Jyobaa mëk tjawë ko tˈixy axëëk njäjt ngëbajtëm, per jotkujk nyayjyawëty ko kyaj nˈëxtëkëwäˈkëm. Biiblyë jyënaˈany: “Pën mˈayoodëp mët ko ti oy të xytyuny, es mmëmadaktëp mët ja maˈxtujkën, tyäˈädë dëˈënë Dios yˈoyjyäˈäp” (1 Peedrʉ 2:20). Niˈamukë pënaty tyam myëmadaktëp ko jäˈäy pyajëditëdë, Jyobaa tukumayanëdëp ja jembyë jukyˈäjtën mä kyaj nyekyjyamˈatäˈäny nituˈugë Dios myëtsip (Matewʉ 24:13).
AK NIJAWË NIˈIGYË
Min nˈokˈijxëm tiko njënäˈänëm ko mbäät nmëduunˈadëtsëmë Jyobaa oyë jäˈäy xytyukmëtsipˈäjtëm, ets wiˈix xykyunuˈkxäˈänëm ko nmëmadakëm.
4. Mbäät xymyëmadaˈaky oy ja mjëëky mmëguˈuk mdukmëtsipˈatëdët
Jesus nyijäˈäwëbë nety ko mbäät ja jëëky mëguˈuk xytyukmëtsipˈäjtëm ko nmëduˈunëmë Jyobaa. Käjpxtë Matewʉ 10:34-36 ets nimaytyäˈäktë mëdiˈibë yä yajtëëpy:
-
Ko tuˈugë jäˈäy tpëjktaˈagyë wyinmäˈäny tmëdunäˈänyë Jyobaa, ¿ti jotmay mbäät tpääty mët ja fyamilyë?
Parë nnijäˈäwëm wiˈix näägë jäˈäy të tpäättë duˈumbë jotmay, ixtë BIDEO. Ta net xynyimaytyäˈäktët mëdiˈibë yä yajtëëpy:
-
¿Ti mdunaampy ko tuˈugë mmëtnaymyaayëbë o mjëëky mmëguˈuk mˈanëˈëmxëdët ets xymyastuˈudëdë Jyobaa?
Käjpxtë Salmo 27:10 etsë Markʉs 10:29, 30. Ko xykyäjpxtäˈäytyët tuˈuk tuˈugë yäˈädë tekstë, ta xynyimaytyäˈäktët mëdiˈibë yä yajtëëpy:
-
¿Wiˈix mbäädë yäˈädë tekstë mbudëkëty ko ja mfamilyë o ja mëtnaymyaayëbëty mgatukmëtsokëdët ets xymyëdunëdë Jyobaa?
5. Mmëduunˈadëˈëtsë Jyobaa oy myajtukmëtsipˈatët
Tsojkëp nˈijtëm jotmëk parë nmëduˈunëmë Jyobaa ko jäˈäy xytyukmëtsipˈäjtëm. Ixtë BIDEO ets nimaytyäˈäktë mëdiˈibë yä yajtëëpy:
-
¿Wiˈix të mbudëkëtyë yäˈädë bideo parë mˈitët jotmëk?
Käjpxtë Apostʉlʉty o Hechos 5:27-29 etsë Ebreeʉsʉty 10:24, 25. Ko xykyäjpxtäˈäytyët tuˈuk tuˈugë yäˈädë tekstë, ta xynyimaytyäˈäktët mëdiˈibë yä yajtëëpy:
-
¿Tiko jyëjpˈamëty nmëduunˈadëtsëmë Jyobaa oyë kuduunk justisë dyajkubokët ko nduˈukmujkëm o ko nˈëwäˈkx ngäjpxwäˈkxëm?
6. Jyobaa mbudëkëyanëp ets mmadäˈägët
Abëtsëmy nyaxwinyëdë të Jyobaa tyestiigëty tmëmadäˈäktë ko jäˈäy të nyibëdëˈëgëdë, ets duˈunyëm të tmëduunˈadëtstë Jyobaa oy myëjjäˈäy myutskjäˈäyëty. Parë xynyijawët wiˈix të tmëmadäˈäktë, ixtë BIDEO. Ta net xynyimaytyäˈäktët mëdiˈibë yä yajtëëpy:
-
Extëm të xyˈixy mä bideo, ¿ti pudëjkëdë yäˈädë Testiigëtëjk parë tmëmadaktë?
Käjpxtë Romanʉs 8:35 etsë 37-39, ets nanduˈunë 2 Korintʉ 4:7. Ko xykyäjpxtäˈäytyët tuˈuk tuˈugë yäˈädë tekstë, ta xynyimaytyäˈäktët mëdiˈibë yä yajtëëpy:
-
¿Wiˈix mdukˈixyëtyë yäˈädë tekstë ko mbäät xymyëmadaˈaky oytyim ti jotmayëty?
Käjpxtë Matewʉ 5:10-12 ets nimaytyäˈäktë mëdiˈibë yä yajtëëpy:
-
¿Tiko mbäät mnayjyawëty agujk jotkujk oyë jäˈäy mëtsipˈatëdët?
Miyonkˈamë Diosmëduumbë të tmëmadäˈäktë ko jäˈäy nyibëdëˈëgëdë. ¡Mijts mbäät nanduˈun xymyëmadaˈaky!
NÄÄGË JÄˈÄY JYËNÄˈÄNDË: “Kyajts nmëmadäˈägët kotsë jäˈäy xynyibëdëˈëgët”.
-
¿Mëdiˈibë tekstë mbäät pyudëkëty parë kyaj tsyëˈëgët?
TI TË NJÄJTËM
Jyobaa mëjwiin kajaa dyajtsobääty ko nmëduunˈadëtsëm oyë jäˈäy xyˈaxëkˈijxëm. ¡Ets mbäät nmëmadakëm mët ko yëˈë xypyudëjkëm!
Ajamyatsë
-
¿Tiko Diosmëduumbëty tˈëwxit tjëjpˈixtë etsë jäˈäy yˈaxëkˈixëdët?
-
¿Wiˈix tyam mbäät mnayjyëjpˈixyëty ko myajnibëdëˈëgët?
-
¿Tiko mˈity seguurë ko mbäät xymyëduunˈadëˈëtsyë Jyobaa oy ti jotmay xywyinguwäˈägët?
AK PAYEˈEY
Ix wiˈixë Jyobaa tpudëjkë tuˈugë mixy ko yajtsuumy mët ko kyaj syoldäädëˈatany.
Nijawë ti pudëjkë tuˈugë kasäädë jäˈäy parë kanäk jëmëjt tmëduunˈadëtsyë Jyobaa oyë jäˈäy nyibëdëˈkëdë.
Nijawë wiˈix xywyinguwäˈägët amëk jotmëk ko myajnibëdëˈëgët.
“¡Nˈoknayjëjpˈijxëm tyam mä kyajnëm nyajnibëdëˈkëm!” (Diˈib Xytyukˈawäˈänëm, julië 2019)
¿Wiˈix mbäät nˈijxëm ko nfamilyëˈäjtëm xytyukmëtsipˈäjtëmë Diosë tyuunk? ¿Ti mbäät nduˈunëm parë oy mëët nˈijtëm ets duˈunyëm nmëduunˈadëtsëmë Jyobaa?
You May Also Like
DIˈIB XËMË NAYAJTËËWËDËP
¿Wiˈixë Jyobaa tyestiigëty dyaˈëxpëktë jäˈäy?
Ko mˈëxpëkët mëdë Jyobaa tyestiigëty namayˈäjtën, mbäät xyajtunyë Biiblyë mëdiˈibë mdimytsyojkënyëˈajtypy. Mbäät nanduˈun xywyoy pënaty mdimywyowaampy, duˈunë mfamilyë o mëtnaymyaayëbë.
