¿Nnayˈaˈijxënëbëts?
¿Nnayˈaˈijxënëbëts nëjkxët ëwäˈkx käjpxwäˈkxpë mëdë nmëguˈukˈäjtëm?
Mijts mbäät mnëjkxnë ëwäˈkx käjpxwäˈkxpë mëdë nmëguˈukˈäjtëm pën...
... xëmë xyˈëxpëkyë Biiblyë, mnuˈkxtaˈaky ets pën mˈyeˈeynyëp jëjwitsë reunyonk.
... mmëbëjkypy ets mtsojkënyëˈajtypy tijaty mˈëxpëjkypy ets pën mdukmëtmaytyäˈägaambyë jäˈäy.
... mtsojkypyë Jyobaa ets pën yëˈë mëët mnaymyayëtyë jäˈäy mëdiˈibë nanduˈun tsyojkypy.
... kyaj xyˈoktuktëjk xyˈoktukwäˈkënë politikë ets pën të xytyukpëtsëëmduˈutyë relijyonk mëdiˈibë kyaj tyëyˈäjtënëty.
... mjukyˈäjtp extëmë Dios tniˈanaˈamë ets pën mjantsy Tyestiigëˈatäämp.
Pën mnayˈaˈijxëp ko mbäät mnëjkxnë ëwäˈkx käjpxwäˈkxpë, ta xytyukmëtmaytyäˈägët ja mëdiˈibë myaˈëxpëkëp, ets yëˈë ta tˈanëëmët ja mëjjäˈäytyëjk parë mëët mduˈukmukët ets tˈixtët pën mbäät mnëjkxnë ëwäˈkx käjpxwäˈkxpë.
¿Nnayˈaˈijxënëbëts nnëbatët?
Mijts mbäät mnëbajnë pën...
... mduunëp publikadoor.
... mnëjkxp xëmë ëwäˈkx käjpxwäˈkxpë nuˈun mmadaˈaky.
... mbudëjkëp ja “tuumbë mëdiˈibë kuwijy ets tyuumpy ti wyintsën tsyojkypy” ets pën mmëmëdoopy wiˈix mnëˈëmoˈoy mduˈumoˈoyëty (Mateo 24:45-47, TNM).
... të xyˈanëëmë Jyobaa ko mdukwandakypyë mjukyˈäjtën, ets ko mmëdunaampy winë xëëw winë tiempë.
Pën mnayˈaˈijxëp ko mbäät mnëbajnë, ta xytyukmëtmaytyäˈägët ja mëdiˈibë myaˈëxpëkëp, ets yëˈë ta tˈanëëmët ja mëjjäˈäytyëjk parë mëët mduˈukmukët ets tˈixtët pën mbäät mnëbety.
