¿Të näˈä xyjyantsy myëmay xyjyantsy myëdäjˈyë meeny sentääbë o mduunk? Mbäät näˈäty tsyiptaˈaky nbatëm ti nijukyˈäjtëm ets nanduˈunë net nmëduˈunëmë Jyobaa extëm pyaaty nyitëkëty. Perë Biiblyë yajkypyë ëwij käjpxwijën ets nyigajpxypy ti mbäät nduˈunëm.

1. ¿Wiˈixë Biiblyë tmaytyaˈagyë tuunk?

Dios tsyojkypy ets ndukxondakëm ja tuunk. Pesë Biiblyë jyënaˈany: “Nitii duˈun tkaˈoyjyawë naxwinyëdë jäˈäy extëm ko […] tˈixët wiˈix yˈoybyëtsëmy ko mëk tyuny” (Eclesiastés 2:​24). Jyobaa mëk jyantsy tyuny. Pääty ko nanduˈun mëk nduˈunëm, ta agujk jotkujk nyayjyawëty ets nanduˈun ëtsäjtëm.

Tsojkëp nduˈunëm, per ninäˈä mbäät jëjpˈam ngapëjktakëm ets oknëm ja Diosë tyuunk (Fwank 6:​27). Jyobaa wyandakypy ko xymyoˈoyäˈänëm ti nijukyˈäjtëm pën jëjpˈam nbëjktakëmë tyuunk.

2. ¿Wiˈix mbäät nˈijxëmë meeny sentääbë?

Biiblyë jyënaˈany ko “meeny sentääbë xykyuwäˈänëm”, per xyˈanmäˈäyëm nanduˈun parë nnaygyuentëˈäjtëm mët ko kyaj yëˈë ttimyˈyakyë agujkˈäjt jotkujkˈäjtën (Eclesiastés 7:​12). Pääty xyˈanmäˈäyëm ets kyaj nˈatsojkëmë meeny sentääbë, niˈigyë xymyoˈoyëmë yäˈädë käjpxwijën: “Jotkujkˈattë mët diˈibë mmëdäjttëp” (käjpxë Ebreeʉsʉty 13:5). Ko jotkujk nnayjyäˈäwëm oy waanë tijaty nmëdäjtëm o may, ta kyaj nëjkx nmëmäˈäy nmëdäjëm ko nˈaktimytsyojkëm mas niˈigyë ets kyaj nanëgoobë nëjkx nnaynyijuˈuy nnaynyinuˈkxëm (Proverbios 22:7). Kyaj nanduˈun nnayajtëjkëm jotmayoty ko niˈëyëˈk niguyäjtëmë meeny o nduˈunëm jam tii mä pojënë ngumeenyjyaˈaytyakëm.

3. Mbäät nˈoyjyaˈaytyakëm ko nyäjkëm ja meeny sentääbë

Jyobaa yëˈë tuˈugë Dios mëdiˈibë oyjyaˈay, ets nbanëjkxëmë netyë yˈijxpajtën ko nyäjkëm tijaty nmëdäjt njaygyajpëm (1 Timotee 6:​18). Tuk pëky wiˈix mbäät nyajtuˈunëm ja meeny sentääbë, yëˈë ko nyäjkëm parë tyunët mä nduˈukmujkëm ets ko ndukpudëjkëm pënaty yajtëgoyˈäjttëp, per mas niˈigyë pënaty mëët nˈëxpëjkëm. Jyobaa kyaj yëˈë tˈixy nuˈunën ja meeny sentääbë nyäjkëm, yëˈën yˈijxypy tiko nyäjkëm. Pën nyäjkëm winë ääw winë jot, ta jotkujk nnayjyawëyäˈänëm ets nanduˈun nyayjyawëyaˈanyëtyë Jyobaa (käjpxë Apostʉlʉty o Hechos 20:​35).

 AK NIJAWË NIˈIGYË

4. Yajmëjpëtsëmë Jyobaa ko mˈitët tuumbëjäˈäy

 5. Nˈokjotkujkˈäjtëm nuˈun tijaty nmëdäjtëm

Mayë jäˈäy yajnipatandëbë meeny sentääbë nuˈun ttimypyäättë, perë Biiblyë kyaj duˈunë käjpxwijën dyaky. Käjpxtë 1 Timotee 6:​6-8 ets nimaytyäˈäktë mëdiˈibë yä yajtëëpy:

• ¿Wiˈixë Biiblyë xykyäjpxwijëm?

6. Jyobaa xymyoˈoyäˈänëm tijaty nyajtëgoyˈäjtëm

 TI TË NJÄJTËM

Jëjpˈam nduˈunëm parë nbatëmë meeny sentääbë, per ninäˈä mbäät xykyatukmastutëm ja Diosë tyuunk.

Ajamyatsë

• ¿Ti mbäät mbudëkëty parë kyaj mnaytyukwinˈëënëdët ja mduunk?

• ¿Wiˈix xytyukˈoyˈatäˈäny ko mjotkujkˈatët mët tijaty mmëdäjtypy?

• Pënë Jyobaa të twandaˈaky ko moˈoyanëp tijaty myajtëgoyˈajtypy, ¿wiˈix mbäät xyajnigëxëˈëky ko mmëbëjkypy?