LEKSION 38
Nˈokˈyajtsobatëm ja jukyˈäjtën mëdiˈibë Dios të xynyamoˈoyëm
Jantsy oy jantsy tsuj yˈixëty ja jukyˈäjtën yä naxwiiny, mbäät ndukxondakëm axtë mä nyajnäjxëmë amay jotmay. ¿Wiˈix mbäät ndukˈijxëmë Jyobaa ko nyajtsobatëm ja jukyˈäjtën? ¿Ets tiko?
1. ¿Tiko yˈoyëty nyajtsobatëm ja jukyˈäjtën?
Oy ko nyajtsobatëm ja jukyˈäjtën mët ko yëˈë të xynyamoˈoyëmë nDeetyˈäjtëmë, Jyobaa. Yëˈë yajkypy “ja jukyˈäjtën” mët ko yëˈë ojts dyajkojtäˈäy mëdiˈibë jukyˈäjtp (Salmo 36:9). Biiblyë duˈun jyënaˈany: “Dioskyëjxmën njikyˈäjtëm, nˈyuˈxëm es nˈijtëm” (Apostʉlʉty o Hechos 17:25, 28). Jyobaa yëˈë ojts dyajkojy tukëˈëyë mëdiˈibë mbäät nijukyˈäjtëm, per nanduˈunën ojts dyajkojy parë ndukxondakëm (käjpxë Apostʉlʉty 14:17).
2. ¿Wiˈix mbäät ndukˈijxëmë Jyobaa ko nmëjjäˈäwëm ja jukyˈäjtën mëdiˈibë të xynyamoˈoyëm?
Jyobaa mˈijxë desde ko ojts mnaxkëdaˈaky mdääkjodoty. Tuˈugë Dios mëduumbë mëdiˈibë xyëwˈäjt David, duˈun tëgok tmënuˈkxtakyë Jyobaa: “Mijts xyˈijxëts määnëmtsë nety jeˈeyë nnaxkëdaˈaky ndääkjodoty” (Salmo 139:16). Jyobaa mëjwiin kajaa dyajtsobäätyë mjukyˈäjtën (käjpxë Matewʉ 10:29-31). Mëk tjawë ko jäˈäy dyaˈoogyë myëguˈuk o ko këˈëm nyayaˈoogëdët (Éxodo 20:13). a Mëk nanduˈun tjawëyaˈany ko ti ngatuˈunëmë kuentë ets nbëjktakëmë jukyˈäjtën oˈkën jëjpˈam o wiink jäˈäyë jyukyˈäjtën. Per ko nguentëˈäjtëm, ta nyajnigëxëˈkëm ko nyajtsobatëm ja jukyˈäjtën mëdiˈibë të xynyamoˈoyëm.
AK NIJAWË NIˈIGYË
Min nˈokˈijxëm wixaty mbäät nyajnigëxëˈkëm ko nyajtsobatëm ja jukyˈäjtën mëdiˈibë Dios të xynyamoˈoyëm.
3. Nˈoknaygyuentëˈäjtëm këdiibë nˈyudëjk nbäˈämdëjkëm
Pënaty të ttukwandäˈäktë Jyobaa ko tmëdunäˈändë, duˈunë net dyajtundë jyukyˈäjtën extëm yëˈë ttsoky. Të tkëyaktë ja nyiniˈkx kyëbäjk extëm tuˈugë wintsëˈkën mëdiˈibë wäˈäts, pääty tsojkëp tkuentëˈattët. Käjpxtë Romanʉs 12:1, 2 ets nimaytyäˈäktë mëdiˈibë yä yajtëëpy:
-
¿Tiko yˈoyëty mnaygyuentëˈatëdët parë kyaj mˈyudëk mbäˈämdëkët?
-
¿Wixaty mbäät mnaygyuentëˈatyëty?
4. Nˈoknaygyuentëˈäjtëm këdiibë tii xyaˈˈayoˈonbatëm o yˈayoˈonbäädëdë wiink jäˈäy
Biiblyë xymyoˈoyëmë käjpxwijën wiˈix mbäät nnaygyuentëˈäjtëm parë kyaj tii xyaˈˈayoˈonbatëm. Ixtë BIDEO parë xynyijawëdët wiˈix mbäät mnayguentëˈatëdë këdiibë tii myaˈˈayoˈonbäädëdët.
Käjpxtë Proverbios 22:3 ets nimaytyäˈäktë wiˈix mbäät nnaygyuentëˈäjtëm parë kyaj tii xyaˈˈayoˈonbatëm...
-
... jënoty tëgoty.
-
... mä nduˈunëm.
-
... mä nˈëyëˈk nguyäjtëm.
-
... ko nyajˈyeˈeyëmë karrë o ko ndukjëdijtëm.
5. Nˈokˈyajtsobatëm ja uˈungë jyukyˈäjtën mëdiˈibë kyajnëm myaxuˈunkˈaty
David ojts tnimaytyaˈaky wiˈixë Jyobaa yajxon tˈijxˈity tkuentëˈaty ja uˈunk mientrës yeeky tyääk jodoty. Käjpxtë Salmo 139:13-17 ets nimaytyäˈäktë mëdiˈibë yä yajtëëpy:
-
Parë Jyobaa, ¿näˈä tuˈugë jäˈäyë jyukyˈäjtën tsyondaˈaky: ko nyaxkëdaˈaky tyääk jodoty o ko myaxuˈunkˈäjnë?
Ja ley mëdiˈibë Jyobaa myooy ja israelitëty, ojts tniˈanaˈamë ets yajkuentëˈatët ja toxytyëjk mëdiˈibë uˈunkmëët ets nanduˈun ja maxuˈunk mëdiˈibë nyikëjxmˈäjtypy. Käjpxtë Éxodo 21:22, 23 ets nimaytyäˈäktë mëdiˈibë yä yajtëëpy:
-
¿Wiˈix ijtyë Jyobaa tˈixy ko tuˈugë jäˈäy yˈayoˈonbääty ets dyaˈooky ja uˈunk mëdiˈibë kyajnëm myaxuˈunkˈaty?
-
¿Wiˈixëdaa nyayjyawëty ko pën ttimytyukniwinmayë ets dyaˈooky ja uˈunk? b
-
Ets mijts, ¿wiˈix xyˈokˈixy ko duˈunë Jyobaa wyinmay?
Tuˈugë toxytyëjk mëdiˈibë myëjˈijxypyë jukyˈäjtën, mbäät wyinmay ko kuanë ja yˈuˈunk dyaˈoogët mët ko kyaj mbäät ti tnekytyuny. Käjpxtë Isaías 41:10 ets nimaytyäˈäktë mëdiˈibë yä yajtëëpy:
-
Ko tuˈugë toxytyëjk mëktaˈaky yaˈˈanëëmët ets ja yˈuˈunk dyaˈoogët mëdiˈibë nyikëjxmˈäjtypy, ¿pën mbäät tˈamdoyë naybyudëkë? ¿Ets tiko?
NÄÄGË JÄˈÄY JYËNÄˈÄNDË: “Këˈëm mbäädë toxytyëjk tˈixy pën yaˈoogaampy ja yˈuˈunk. Kyëˈëm niniˈkx yëˈë”.
-
¿Tiko mjënäˈäny ko Jyobaa yajtsobatypy ja uˈunktäägë jyukyˈäjtën ets nanduˈun ja maxuˈunk mëdiˈibë nyikëjxmˈäjtypy?
TI TË NJÄJTËM
Jyobaa yëˈë të xynyamoˈoyëmë jukyˈäjtën. Päätyë Biiblyë xyˈanmäˈäyëm ets nmëjˈijxëm, nyajtsobatëm ets nguentëˈäjtëm ja njukyˈäjtënëˈäjtëm ets ja wiink jäˈäyë jyukyˈäjtën.
Ajamyatsë
-
¿Tiko Jyobaa dyajtsobäätyë jukyˈäjtën?
-
¿Wiˈixë Jyobaa nyayjyawëty ko tuˈugë jäˈäy nyayaˈoogyëty o ko dyaˈoogyë wiink jäˈäy?
-
¿Tiko mijts xyajtsobääty ja jukyˈäjtën mëdiˈibë të myajnamoˈoy?
AK PAYEˈEY
¿Wiˈix mbäät nguˈëˈëw ngukäjpxëmë Jyobaa ko të xynyamoˈoyëmë jukyˈäjtën?
¿Mbäädëdaa Dios tpokymyeˈkxy tuˈugë toxytyëjk mëdiˈibë të yaˈuˈunkˈooky?
Ko nnijäˈäwëm wiˈixë Dios tˈixyë jukyˈäjtën, mbäät xypyudëjkëm parë nwinˈijxëm ti ndukˈëyëˈëgäˈän ndukkuyatäˈänëm.
“¿Kujotmayëdaa ko ndukˈëyëˈk ndukuyäjtëm mëdiˈibë kutsëˈëgë?” (¡Despertad!, 8 äämbë oktuubrë 2000)
Nijawë wiˈixë Biiblyë jyënaˈany ko tuˈugë jäˈäy nyayaˈoogäˈänyëty.
“¿Mbäädëtsë Biiblyë xypyudëkë pën nnayaˈooganëbëts?” (Myiny mä jw.org)
a Jyobaa mëk tmëmay tmëdäjy pënaty tsayutpëmë jyot korasoon jyäˈäwëp (Salmo 34:18). Jyaygyujkëp wiˈix tuˈugë jäˈäy jantsy axëëk nyayjyawëty ko nyayaˈoogäˈänyëty ets pyudëkëyaampy. Nijawë wiˈix dyakyë ëwij käjpxwijën mä jyënaˈany “¿Mbäädëtsë Biiblyë xypyudëkë pën nnayaˈooganëbëts?”, mëdiˈibë miimp mä “Ak payeˈey”.
b Pën tuˈugë toxytyëjk ojtsë yˈuˈunk dyaˈooky, pokymyaˈkxanëbë Jyobaa parë kyaj tnekymyëkjawët ko duˈun yˈadëtsy. Parë xyˈaknijawët käjpx mä jyënaˈany “¿Wiˈixë Biiblyë jyënaˈany ko tuˈugë toxytyëjk dyaˈoogyë yˈuˈunk mä kyajnëm myaxuˈunkˈaty?”, mëdiˈibë miimp mä “Ak payeˈey”.
You May Also Like
DIˈIB XËMË NAYAJTËËWËDËP
¿Wiˈixë Jyobaa tyestiigëty dyaˈëxpëktë jäˈäy?
Ko mˈëxpëkët mëdë Jyobaa tyestiigëty namayˈäjtën, mbäät xyajtunyë Biiblyë mëdiˈibë mdimytsyojkënyëˈajtypy. Mbäät nanduˈun xywyoy pënaty mdimywyowaampy, duˈunë mfamilyë o mëtnaymyaayëbë.
