Oytyim määjëty wiˈixëmë jäˈäy yˈuuktë. Ta nääk mëdiˈibë uktëp winnäˈäjaty mëdë myëtnaymyaayëbë, ta mëdiˈibë kyaj tyimˈuuktë ets ta net mëdiˈibë nayajmuktëgooyëdëp. Per ¿wiˈixë Biiblyë jyënaˈany ko jäˈäy yˈuuky?

1. ¿Axëëk ko jäˈäy yˈuuky?

Biiblyë kyaj dyajkuboky ko jäˈäy yˈuuky. Niˈigyë jyënaˈany ko Dios yëˈë të xynyamoˈoyëmë “binë mëdiˈibë yajxondakypyë naxwinyëdë jäˈäyë kyorasoon” (Salmo 104:14, 15). Mä Biiblyë yajmaytyakpë Diosmëduumbëty mëdiˈibë ojts yˈuuktë (1 Timotee 5:23).

2. ¿Ti käjpxwijën myoobyë Biiblyë pënaty uugandëp?

Jyobaa yajkubojkypy ko jäˈäy nyayajmuktëgoyëty, per nanduˈun ko dyajniˈigyë ja nëë (Galasyʉ 5:21). Biiblyë duˈun jyënaˈany: “Këdii myajpääty mët pënaty nëgooyë yˈuknëdë” (Proverbios 23:20). Pääty, pën jaa näˈä nˈuugäˈänëm naytyuˈuk o jam pën mëët, ninäˈä mbäät ngayajniˈigyëmë nëë ets tyëgooynyët ja jot jäˈäwën, jam wiˈix kawiˈix njënäˈänënë o jamë net ti nduˈunënë. Kyaj yˈoyëty nanduˈun nˈukniˈigyëm mët ko mbäät ja niniˈkx këbäjk pyäˈämdëkë. Pën kyaj njäjtëm waanë nˈukëm, mas oy ko winmäˈäny nbëjktakëm ets kyaj ndimyˈukëm.

3. ¿Wiˈix mbäät nˈijxëm pënaty uktëp ets pënaty kyaj yˈuugäˈändë?

Niduˈuk niduˈuk mbäät nwinmäˈäyëm pën uugäˈänëm o kyaj. Pën jam pën yˈuugäˈäny waanë, kyaj mbäät tëgatsy nˈijxëm ets kyaj mbäät nanduˈun pën ndimytyukˈatsipˈäjtëm parë waanë yˈuugët pën të ja wyinmäˈäny tpëjktaˈaky ko kyaj yˈuugäˈäny (Romanʉs 14:10). Kyaj nanduˈun nˈuugäˈänëm pën jam pën mëdiˈibë mbäät tëgatsy tˈixy (käjpxë Romanʉs 14:21). Pesë Diosmëduumbë kyaj jeˈeyë tˈëxtäˈäytyë “diˈibë yëˈë këˈëm tyukˈoyˈatëp, [...] nandëˈën tˈëxtäˈäyët esë wiinkpëty ttukˈoyˈattët” (käjpxë 1 Korintʉ 10:23, 24).

 AK NIJAWË NIˈIGYË

4. Këˈëm xywyinmayët pën mˈuugäämp o kyaj

¿Wiˈixë Jesus tˈixy ko jäˈäy yˈuuky? Parë nnijäˈäwëm, min nˈokˈijxëm ja tim jawyiimbë miläägrë mëdiˈibë tyuun. Käjpxtë Fwank 2:1-11 ets nimaytyäˈäktë mëdiˈibë yä yajtëëpy:

• Extëm yä yajnimaytyaˈaky, ¿ti xytyukniˈˈijxëm mä wiˈixë Jesus tˈixyë nëë ets ko jäˈäy yˈuuky?

• Komë Jesus kyaj ojts dyajkubokyë nëë, ¿wiˈixë net mbäät tuˈugë Diosmëduumbë tˈixy ko ja myëguˈuk yˈuugët?

Kyaj kyuboky ets tuˈugë Diosmëduumbë yˈuugët, per tsojkëp tˈixët näˈä kyaj mbäät yˈuuky. Käjpxtë Proverbios 22:3 ets nimaytyäˈäktë pën oy ko tuˈugë jäˈäy yˈuugët:

• Pën jam kyarrëwiidäˈäny o jam ti tuumbajn dyajtunäˈäny.

• Pën uˈunkmëët.

• Pën ja doktoor të yˈanëˈëmxëty ets kyaj yˈuugët.

• Pën tsiptakxëp ets waanë yˈuugët.

• Pën yajkubojkypy ja kuduunk.

• Pën yëˈë jam mëët yajpääty tuˈugë jäˈäy mëdiˈibë të tsyiptakxëty tmastuˈudëdë nëë ets tyam kyaj nyekyˈuugäˈäny.

¿Oyëdaa ko xyakëdë nëë mä pëjkpë o mä jam nimay të mduˈukmuktë? Parë xynyijawët tijaty tsojkëp xywyinmayët, ixtë BIDEO.

Käjpxtë Romanʉs 13:13 etsë 1 Korintʉ 10:31, 32. Ko xykyäjpxtäˈäytyët tuˈuk tuˈugë tekstë, ta net xynyimaytyäˈäktët mëdiˈibë yä yajtëëpy:

• ¿Wiˈix mbäädë yäˈädë tekstë mbudëkëty parë xytyunët mëdiˈibë Jyobaa jotkujk yajnayjyawëdëp?

 5. Ix nuˈunën mbäät mˈuuky

Pën mˈuugäämp, jamyats ko Jyobaa kyaj axëëk tˈixy ko nˈukëm, mëdiˈibën yajkubojkypy yëˈë ko nyaˈˈaniˈigyëm. ¿Tiko? Käjpxtë Oseas 4:11, 18 ets nimaytyäˈäktë mëdiˈibë yä yajtëëpy:

• ¿Tijaty tyuumpy tuˈugë jäˈäy ko dyajniˈigyë nëë?

¿Ti mbäät xypyudëjkëm parë kyaj nyajniˈigyëm? Ko nnijäˈäwëm nuˈunën mbäät nˈukëm. Käjpxtë Proverbios 11:2 ets nimaytyäˈäktë mëdiˈibë yä yajtëëpy:

• ¿Tiko yˈoyëty xynyijawët axtë nuˈunën mbäät mˈuuky?

6. Mbäät xymyastuˈuty ja nëë

 TI TË NJAJTËM

Jyobaa të xymyoˈoyëmë nëë parë ndukxondakëm, per yajkubojkypy ko nayajmuktëgoˈoyëm o ko nyajniˈigyëm.

Ajamyatsë

• ¿Wiˈixë Biiblyë jyënaˈany ko nˈukëm?

• ¿Wiˈixë jäˈäy tkuˈayowë ko nëgooyë yˈuknë?

• ¿Wiˈix mbäät nwingutsëˈkëmë nmëguˈukˈäjtëm mëdiˈibë uugandëp ets mëdiˈibë kyaj?